مساء الخير عدد ما هل السيل
اخواتي ودي أقول شي يقرقع في خاطري >> حلوة يقرقع....... عدوها
اللي هو ما تلاحظون من كثر ما نتكلم عن أزواجنا أنهم خذوا كل همنا ونسينا..شيئ مهم
عيالنا ..!
يعني أشتكي أنه ما يصرف علي
ما يقعد معي
ما يسولف علي
ما يهديني ما يسمعني كلام حلو
وفي المقابل فيه من تقول وشلون أسعد زوجي
وشلون أسوي ليلة حمراء وصفراء وخضراء لزوجي عشان ينبسط ويستانس ...؟
غيري الجو لزوجك ..حركة جديدة للزوج
ويا ما شفنا مواضيع عن هدية الزوج للعيد..؟
لكن ما شفت عن هدية العيال الا للي تبي تسوي لأطفااااااال العائلة كلهم ..؟
طيب ليه ؟؟
وعيالنا وين موقعهم على الخارطة ؟؟
ولاشي..!
ما يجيهم منا الا الهواش والصراخ ..!
لهدالدرجة خذوا عقولنا أزواجنا ونسينا اللي بكره بنعتمد عليهم واللي هم ركاز المجتمع ؟؟
ما أدري أنتم ملاحظين قلة في المواضيع اللي تتكلم عن الرقي في تربية الأبناء ؟؟
قلة في المواضيع اللي تتكلم عن التعامل مع هالجيل خصوصاً في زمن الفتن ؟؟
ما نشوف الا مشكلة وقعت وتبي حل ؟؟
طيب قبل وين كانوا الأم والأب وأركز الأم لأنها محور الحديث ..!
وين كنتي قبل لا تطيح بنتك أو ولدك في الأزمة ؟؟
يا ربي الله يصلح لي ذريتي وذريتكم ..
آمييييييييييييييين
نراكض ورا الزوج عساه بس يرضى ..ونراكض ورا هالدنيا ..!
ولا جبنا خبر ولا هم لهالكتاكيت ؟؟
كنهم كنبة في البيت والا جدار نهاوش ونصارخ عليهم وهم لا حول ولا قوة لهم
ولا حتى نكلف أنفسنا عناء الأستماع لهم ولمشاكلهم ؟؟
صرنا نتعامل معهم بلغة حاسوبية قولوا لي كيف أقولكم
أضرب مثال عني يوم أنتبهت لاحظت أني أتعامل معهم بلغة أفعل لا تفعل
كل لا تأكل نم أدرس ألبس ؟؟ وهو ما عليه الا ينفذ ويا ويله لو ما نفذ ؟؟
ولسان حالي انا فاضية لك ؟؟
لحظة
أجل فاضية لمين ..!
يا أخوات
والله لا زوج ولا طلعات راح تفيدك كثر فائدة تربية سليمة لنشء سيكون ركاز للمجتمع ..
وش رايكم نعقد هدنة مع أنفسنا عشان عيالنا ..
نخلي ازواجنا على جنب ..بمشاكلهم
بهموهم ..وأرمي مشاكلك لرب العامين فهو كفيل بحل المستعصي منها
أن أحسنتي الأتكال .."لو أنكم توكلون على الله جق توكله
لرزقكم كما ترزق الطير تغدو خماصاً وتعود بطانا "
ما أقول لاتاخذين بالأسباب ولكن لا يكون كل همك هو يشرب وياكل وينام معك ؟؟
الدنيا لم تقف على رجل ..
الحين كل وحده تقرأ موضوعي تشوف وش سوت لعيالها شي أيجابي ؟؟
أو حتى أخوانها اذا كانت انسة >>> أحب الآنسات
يالله خلونا نسمع ونغار منكم ونطبق
لعل وعسى نخف على عيالنا المساكين
اطفالاً وكباراً
والله من وراء القصد ..!
واسفه على الطاله