لهفتنا وراء رجالنا ...إلى متى ..؟

الأسرة والمجتمع




مساء الخير عدد ما هل السيل

اخواتي ودي أقول شي يقرقع في خاطري >> حلوة يقرقع....... عدوها


اللي هو ما تلاحظون من كثر ما نتكلم عن أزواجنا أنهم خذوا كل همنا ونسينا..شيئ مهم






























عيالنا ..!
يعني أشتكي أنه ما يصرف علي
ما يقعد معي
ما يسولف علي
ما يهديني ما يسمعني كلام حلو
وفي المقابل فيه من تقول وشلون أسعد زوجي
وشلون أسوي ليلة حمراء وصفراء وخضراء لزوجي عشان ينبسط ويستانس ...؟
غيري الجو لزوجك ..حركة جديدة للزوج
ويا ما شفنا مواضيع عن هدية الزوج للعيد..؟
لكن ما شفت عن هدية العيال الا للي تبي تسوي لأطفااااااال العائلة كلهم ..؟
طيب ليه ؟؟
وعيالنا وين موقعهم على الخارطة ؟؟
ولاشي..!
ما يجيهم منا الا الهواش والصراخ ..!
لهدالدرجة خذوا عقولنا أزواجنا ونسينا اللي بكره بنعتمد عليهم واللي هم ركاز المجتمع ؟؟
ما أدري أنتم ملاحظين قلة في المواضيع اللي تتكلم عن الرقي في تربية الأبناء ؟؟
قلة في المواضيع اللي تتكلم عن التعامل مع هالجيل خصوصاً في زمن الفتن ؟؟
ما نشوف الا مشكلة وقعت وتبي حل ؟؟
طيب قبل وين كانوا الأم والأب وأركز الأم لأنها محور الحديث ..!
وين كنتي قبل لا تطيح بنتك أو ولدك في الأزمة ؟؟
يا ربي الله يصلح لي ذريتي وذريتكم ..
آمييييييييييييييين
نراكض ورا الزوج عساه بس يرضى ..ونراكض ورا هالدنيا ..!
ولا جبنا خبر ولا هم لهالكتاكيت ؟؟
كنهم كنبة في البيت والا جدار نهاوش ونصارخ عليهم وهم لا حول ولا قوة لهم
ولا حتى نكلف أنفسنا عناء الأستماع لهم ولمشاكلهم ؟؟
صرنا نتعامل معهم بلغة حاسوبية قولوا لي كيف أقولكم
أضرب مثال عني يوم أنتبهت لاحظت أني أتعامل معهم بلغة أفعل لا تفعل
كل لا تأكل نم أدرس ألبس ؟؟ وهو ما عليه الا ينفذ ويا ويله لو ما نفذ ؟؟
ولسان حالي انا فاضية لك ؟؟
لحظة
أجل فاضية لمين ..!

يا أخوات
والله لا زوج ولا طلعات راح تفيدك كثر فائدة تربية سليمة لنشء سيكون ركاز للمجتمع ..
وش رايكم نعقد هدنة مع أنفسنا عشان عيالنا ..
نخلي ازواجنا على جنب ..بمشاكلهم
بهموهم ..وأرمي مشاكلك لرب العامين فهو كفيل بحل المستعصي منها
أن أحسنتي الأتكال .."لو أنكم توكلون على الله جق توكله
لرزقكم كما ترزق الطير تغدو خماصاً وتعود بطانا "
ما أقول لاتاخذين بالأسباب ولكن لا يكون كل همك هو يشرب وياكل وينام معك ؟؟
الدنيا لم تقف على رجل ..
الحين كل وحده تقرأ موضوعي تشوف وش سوت لعيالها شي أيجابي ؟؟
أو حتى أخوانها اذا كانت انسة >>> أحب الآنسات


يالله خلونا نسمع ونغار منكم ونطبق
لعل وعسى نخف على عيالنا المساكين
اطفالاً وكباراً
والله من وراء القصد ..!

62
3K

يلزم عليك تسجيل الدخول أولًا لكتابة تعليق.

تسجيل دخول

الزهراء100
الزهراء100
لا يمكنك مشاهدة هذا التعليق لانتهاكه شروط الاستخدام.
برك الله فيك المحبه للجميع صحيح كلامك كلهمنا ها الرجال لكن لانغفل عن جنب الله في العباده والطاعه من ثم الابناء والله من تجد لذه الطاعه ربي يعينها في زوجها واولدها اذكر قصة شخص يبحث عن زوجه ثانيه وكلما طرق الباب رفضو وبشده وافي الخير يقول لخواته مدام ام محمد في مصلها في اليل مني متزوج فهذا والله سهام الليل ودعوكل مهمومه منزوجها واولدها بسهام الليل في انفع من الشكوى


واسفه على الطاله
كلمة طيبة
كلمة طيبة
نفس اللي يقرقع في خاطري
انا عن نفسي زواجي فاشل
ولم أخرج من هذا الزواج غير بولد واحد ماشاء الله تبارك الله فهو حياتي
أنا لم أتطلق ...
لكني متفرغة له
الله يعين
المحبه للجميع*
لا يمكنك مشاهدة هذا التعليق لانتهاكه شروط الاستخدام.
أرحب بوجودك أختي الحبيبة

لا أنكر أن هناك من تحرص على الزوج من اجل الأستقرار والأبناء
ولكن هل ننكر أن هناك من حاد عن الهدف للبحث لنفسها بالدرجة الأولى ؟؟
ثم الدرجة الثانية الأبناء .. ؟؟ هذا أن كان لهم نصيب ..ّ!
وعلى فكرة الموضوع كله من أجل
تحريك المشاعر للألتفات نحو الأبناء قليلاً
بارك الله فيك
المحبه للجميع*
برك الله فيك المحبه للجميع صحيح كلامك كلهمنا ها الرجال لكن لانغفل عن جنب الله في العباده والطاعه من ثم الابناء والله من تجد لذه الطاعه ربي يعينها في زوجها واولدها اذكر قصة شخص يبحث عن زوجه ثانيه وكلما طرق الباب رفضو وبشده وافي الخير يقول لخواته مدام ام محمد في مصلها في اليل مني متزوج فهذا والله سهام الليل ودعوكل مهمومه منزوجها واولدها بسهام الليل في انفع من الشكوى واسفه على الطاله
برك الله فيك المحبه للجميع صحيح كلامك كلهمنا ها الرجال لكن لانغفل عن جنب الله في العباده والطاعه...
أختي الحبيبة أكيد لا غنى لنا عن الدعاء
وفي هذا الصدد اذكركن بدعاء رددنه دائما في كل حين
ربنا هب لنا من أزواجنا وذرياتنا قرة أعين
بوركت أخيتي
المحبه للجميع*
نفس اللي يقرقع في خاطري انا عن نفسي زواجي فاشل ولم أخرج من هذا الزواج غير بولد واحد ماشاء الله تبارك الله فهو حياتي أنا لم أتطلق ... لكني متفرغة له الله يعين
نفس اللي يقرقع في خاطري انا عن نفسي زواجي فاشل ولم أخرج من هذا الزواج غير بولد واحد ماشاء...
هلا بك أختي الغالية
والله يخلي لك ولدك ويجعله من حفظه كتابه
ولكن من الأحسان اليه مساعدته أن يكون بقرب والده
فالابن وخصوصا الولد لاغنى له عن أبيه ..:42:
وطالما أنه لم يحدث طلاق فالحمدلله فانتي ما زلت في الله في خير ..
شكراً على المرور