لواخترت كرااامتي وافترقت ويا زوجي

حبوبات الله سبحانه رزقني بزوج ينحط على الجرح يبرى بمعاملته الطيبه ورومانسيته وحنيته علي
ماتصدقون إذا قلتلكم اني صرت اقوله ياأهلي انت امي وابوي وصديقي ينومني شرات البيبي ومانجلس ناكل لقمه إلا يأكلني إهو ولد عمي وخذاني وامه ماش موب راضيه كل الرضى لأني مطلقه ولأنها تبيه لبنت اختها إهي مزوجه عيالها الخمسه من بنات خواتها إلا هذا حبني موت وخطبني والحمدلله صارت لنا ظروف وتراكمت عليه الديون الله يكون بعونه ومالقى اللي يدفع فيه إيجار البيت وطلعنا منه إهوعند أهله وانا عند اهلي
وانسرقت سيارته وصار بدون سياره مرت الشهور وإهو للحين يعاني وادري انه مضغوط نفسيا
امه هداها الله من خذيته معاديتني وحمواتي يبونه لأختهم ومعاديني كل جلسه معهم يقطون كلام وينغزوني اني إمطلقه بس خواته اللي إهما بنات عمي فديتهم
صرت اكره الروحات لبيت حمولتي حتى بنتي لابكت تقوم سلفتي تدعي عليها وسوو مشكله وقالت له امه وانا اسمع لاعاد تجيب إمرتك وبنتها عندي وجها شؤم عليك وعلينا لكن كنت عند باب الحوش سويت نفسي ماسمعت ماعرف ليييش تصرفت كذا وإهوتعبان وبعدها بفتره عزم اخوه الكبير في بيت امهم وخذاني زوجي لهم
اللي حصل صرت اشوف سلفاتي وحمواتي يحطون صور حفلات وقهاوي وحلويات يوم اسألهم يقولون عمتي ماتبيك ووحده منهم قالت هاااي سلمك الله عزومه عائليه
وقبل يومين اشوفهم حاطين تجهيزات حفله ومن الكتابه عرفت انها لولد حماي إصغير مسوي زايده
اناظر بموبايلي يرن رقم عمتي
ياحليلي على بالي تعزمني قالت نبى البنت تحضر الحفله
ركزوا بنتي ماكملت السنه قلت ابشري ان شاءالله بجيبها لكم قالت لا بس نبي البنيه
وبعد ساعه ارسلت لحماتي اخته الكبيره غاليه على قلبي وحبوبه وإهي معهم بالحفله كلهم متجمعين قلت لها بجي مع بنتي شلون بنتي تروح تحتاج حفاظ رضعه
وطناااش ماردت وإهو يكلمني ويدور اعذار لأمه
سوت اللي براسها وراحت لهم إبنيتي لحالها 
وبكيت وزعلت ورضيت وإهوعذره مايبي يرد امه
وتاليها قال بمرك انتي وابنيتي نصلي مع بعض العيد ونروح لأمي قلت لا خذ بنتك لحالها لجدتها
وانت تعايدني بأي مكان غير بيت أهلك
وقلت له ان امه طردتني يوم رفضت جيتي مع بنتي
وانه لوكان هو في مكاني والله ماعاد يطب بيت ابوي وان انا مالي مكان عند اهله وماحد يبي يفكر يعيد علي
وقال والله انساك للأبد لومارحتي معي نعيد على امي
قلت انا مورايحه يعني مورايحه
شو اسوي انا مستحيل اطب عليها او ادق عليها اعايدها