لوحة التشجيع للاطفال؟؟

انا حطيت لوحه فيها صورهم وكل مايسوو تصرف زين ويسمعو كلامي احط لهم نجمه تحت الصوره واذا اخطاو احط لهم اكس لدرجه انو لما اكون عند احط ويزعجوني اصير اناديهم بس واقولهم ان شاء الله لما نرجع البيت اكس على طول
يقوم على طول ينقلب حاله ويصير هادي ومؤدب
وانا متفقه انا وابوهم اللي يحصل عشر نجمات اما نوديه الملاهي ولانوديه محل الالعاب يختار له هديه وكذا كل مره نزيد اما اكس ولا نجمه وطبعا اللي يكون عنده ثلاث نجمات نشيل منه اكس

بنتك عمرها صغير يعنى عشان تنفع الطريقه معاها لازم يكون الثواب مباشره مثلاخلي المكافه بعد يومين مثلا يعنى اذا عملت اشياء كبيره عن عمرها اما اذا عملت اشياء لازم تسويها تكون المكافه بالمديح او حضن او قبله
على طول بعد قيامها بالشئ
اذا عملت غلط لاتشيلي النجمه لانها اكيد راح تغلط وكل مره اذا شيتلى النجمه راح يصير ما عندها دافعيه انها تكمل وتستمر
المكافات مولازم ماديه مكن معنويه حضن او نزهه فى الخارج وهكذا

تصدقين يأختي كل اليوم وانا أفكر بنفس الفكره ..

بس كيف افكر انا .؟؟؟؟؟؟


افكر اني اجيب لوجه واسطرها وارتبها
وأحط اسمها بنتي عمرها مثل عمر بنتكـ ..
واحط صورتها ..

واجيب استكرات وأحاول يكون شكلها
نوعين وجه حزين ووجه سعيد ...

اسويه حق شهر كامل ...
واقسمه 4 اسابيع ...


وأقول لها إذا سوت شي زين
احط الوجه السعيد :27: واخليه مااشيله
وإذا شوت شي مو زين احط الوجه التعيس:06: وبعد ماأشيله


ونهايه كل اسبوع اعد الوجوه السعيده
والوجوه التعيسه ... إذا الوجوه السعيده اكثر
اكافئها بروحه للحديقه او الملاهي يوم الخميس فقط .... او الجمعه ..
وإذا التعيسه اكثر امنعها ... أخليها معي تعد ..

وإذا كملنا الأربع اسابيع نرجع نعد من اول وجديد
وإذا الوجوه السعيده اكثر شريت لها هديه + ملاهي
وإذا لا خلاص مافيه ولا شي ..

وتقدرين كل يوم تحصرين إذا الوجوه السعيده اكثر
عطيها من بكره حبه شوكولاته وإذا اقل تحرم هذاكـ اليوم

يعني حلو النظام بيكون كل يوم = شوكولاته او عصير او ايس كريم او أفلام كرتون او لعب بالحوش او قرائه قصه حسب ماتبي هي
ونظام الأسبوع = ملاهي او حديقه او طلعة بر او تشميه حسب المزاج ..
ونظام الشهر = كل ماسبق ذكره ... يعني أخر الشهر إذا اخر يوم الأمور تمااام اعطيها شوكولاته .. وإذا نهايه الأسبوع تماام نزيد عليها طلعه .. وإذا نهايه الشهر كل شي كويس نزيد عليها هديه لعبه او حفله بمناسبه معينه

انا هذا من أول تفكيري ... وإن شاءالله تكوني فهمتي علي ....


طبعا انبهها انه مانسمع الفاظ بذيئه ... سب وشتم وضرب وعدم سماعها للكلام
وعدم اكلها
وانه إذا حد عطاها شي تقول شكرا ... تبتسم في وجه الغير ...
تأخذ الشي بلطف ... الصلاه ... الدعاء ... المساعد من غير طلب الناس لها ...... إلخ ..



..

طريقه جربتها مع أطفالي
وأستفدت منها كثير

أخذت لوحه من المكتبه
مغلفه ببلاستك
سهل انك تمسحين وتضيفين عليها شيء
ومن جد
أثرت في نفسياتهم كثير
وحسنت تصرفاتهم
الله يهدي عيالي وعيالكم أجمعين

الله يجزاكم خير الي رديتوا .... فعلا استفدت من تجاربكم ...


والباقين ما احد عنده تجارب ثانية ؟؟؟؟؟