من زمان وانا اريد أسوي لوحة من عجينة الرمل كنت متحمسة وايد
ورحت البر وجبت كمية من الرمل الاحمر ومنها تكاسلت وماسويت العجينة
من وين جت الفكرة
سألني ولد اخوي الصغير عن لوحة انا كنت مسوتنها بعجينة الورق
قعدت اشرح له
وسمعتني أمه
وقالت ليش ها التعب
ليش ماتسوين عجينة من الرمل
فاستغربت
قالت انها ايام الدراسة سوت نشاط لمادة الجغرافيا خريطة عبارة عن عجينة الرمل
ولونوها
وانا الصراحة ماخذت التفاصيل منها
كان كلام على السريع واعتقد ان كان شغل صغار
ومنها ابي اسوي شي بعجينة الرمل
وموضوع الاخت
لمن شفته عطاني حماس اني اسوي اللوحة اللي ابيها
صح ان شغلها غير وااايد حلوو ماشاء الله عليها
بس هي عجينتها جاهزة وبيضا وهي مسوية اشكال فيها
وانا عجينتي غير
(( واسفة ماصورت الطريقة لان الكاميرا كانت مفضية ومافيها شحن ))
وهي عبارة عن
1_ رمل أحمر ... ويمكن استبداله برمل أبيض واعتقد هو الافضل للتلوين
ويكون رمل ناعم خالي من الشوائب
2 _ غراء أبيض
3 _ لوحة خشبية للعمل عليها ... يمكن استبدالها بأي لوحة او حتى صحن قديم
4 _ قلم رصاص للحفر أو سكروب أو مسمار
5_ ماء
6 _ ألوان (( استخدمات هنا ألوان يمكن استخدامها على عدة أسطح واستخدمتها في الرسم على القماش ))
7 _ فرش بأحجام مختلفة
8_ صبغ رش ذهبي
9 _ جليتر لاصق
10 _ ورنيش
الطريقة
قمت بعجن الرمل مع علبة الغراء
بدون تحديد الكمية
العجينة تصبح نفس عجينة الخبز بحيث انها تتشكل في اليد
وزعت الغراء على الخشب وقمت بفرش العجينة بالكمل على اللوحة
ثم بللت يدي بالماء وكان السبب في استخدام الماء اني اردت ان يستوي السطح
وبعدها قمت بالرسم على اللوحة وهي الحفر على الرمل
وبطريقة سريعة لانه يجف بسرعة وكنت اجد صعوبة في الحفر واقوم بتبليل المنطفة بالماء
(( اسفة التصوير غير واضح لان فرغ الشحن من الكاميرا ))
وعندما انتهيت تركت اللوحة تجف قليلا وقمت بالتلوين عليها
وهذي الالوان ايضا من النوع اللذي يجف بسرعة ودهنته ورنيش
جف الورنيش
(( بدون فلاش التصوير ))بعدها اخذت الرش الذهبي وقمت برش اللوحة بطريقة عشوائية وبشكل خفيف
وفي الاخير استخدمت الجليتر الاصق على الأزهار والجرة
التصوير بفلاش
وخليته من الليل الى اليوم الثاني الظهر في الحوش
وسلامت راسكم
وهذا الشكل
سويته على باب غرفة بناتي
كان الباب عليه وايد خدوش ومجلدتنه بس دايما يتمزق الجلاد لاني كنت حاطة الجلاد الخاص
بتغليف الهدايا لان في اشكال حلوة خاصة بالاطفال
يبت معجون ودهنت الجزء الخربان من الباب
وبعد حفرت عليه بهذي الرسمة
وبعد لونته بالوان مائية
واخر شي دهنته ورنيش