هاي لوحة عملتها لابني اللي في الصف التميهدي من شهر وما فضيت أنزلها الحين صار عندي وقت.... قلت أنزلها الفكرة أخذتها من أحد المنتديات بس غيرت فيها شوي المهم طلعت حلوة كثير
بخليكم مع الصور وبعدين الشرح
هاي صورة للوحة كاملة
وهاي صورة قريبة
وهاي حتى تشوفو سمك الفلين (فيه ناس بسموه كلكل)
المواد المستعملة
فلين أبيض (ممكن تشتريه من المكتبة أو من محلات مواد البناء)
مشرط (كاتر)
صمغ شمع (شمع حراري )
ألوان (ممكن ألوان أكريليك أو ألوان مائية أو حتى ألوان غواش أو ألوان قماش)
مادة لماعة (ما بعرف اسمها بتكون على شكل بودرة وبعدة ألوان)
كربون للطباعة على الفلين
لوح فلين مضغوط (مش نفس الأول)لعمل الخلفية ممكن تستعملي لوح خشب وتلونيه على راحتك
خطوات العمل :قمت بطباعة الحروف بالحجم المطلوب ثم نسختها على الفلين باستخدام الكربون
بواسطة المشرط قمت بقص الحروف وكمان الاطار وبعدين لونتها بالألوان وبعدين خليتها تنشف
بالنسبة للمعة عندك طريقتين
ممكن تدهني الحرف بالغراء الأبيض وبعدين ترشي عليه اللمعة
أو تجيبي كاسة وحطي فيها شوية ماء وشوية غراء أبيض (ما تكثري المهم أنه تخففي الغرا) وبعدين تضيفي اللمعة البودرة وتحركي وبعدين ادهني فيها الحروف (هاي الطريقة أسرع)
خلي الحروف تنشف بعدين ألصقيها على اللوح الثاني بواسطة فرد الشمع(الفرد الحراري)
ان شاء الله تكون اللوحة عجبتكم وسلامة تسلمكم
الحين بستنى الردود الحلوة واذا شفت تفاعل بنزل الوسيلة اللي عملتها لابني اللي في الصف الأول