مساء الفن والالوان ..وياهلا وسهلا بكل من فتح صفحتي هذي..
اليوم بعرض لكم لوحه بالخامات..وبالخطوات وبالتفصيل الممل..لأني بصراحه هاللوحه مسويتها مخصوص لعالم حواء..ومصورتها خطوه خطوه فياليت تطولون بالكم معي شوي..وبالاخير ابذكر الاخطاء ألي وقعت فيها عشان للي يبغى يطبق الفكره يتفاداها..
بسم الله نبدأ...........
الخامات الي استعملتها وهي مو كثيره زي ماأنتو شايفين
قماش_خيوط عريضه_لولو_غراء خشب _وعجينه_وألواني الي ما استغني عنها..
وطبعا لوحة كانفس ثلاث قطع مربعتين ومستطيله..
7
7
7
بديت اكرمش القماش والصقه بالصمغ الحراري<<<<يبرد القلب هالصمغ
بعدين لما خلصت قصيت الزايد من القماش...وهذي من الاخطاء الي وقعت فيها ..بعدين اوضح لكم ليه
وبعدين بديت الون باللون الزيتي ودخلت معه لوني المفضل في الرسم الأصفر...لأن احسه يعطي حياة للوحه..
وبعين مزجت معاهم الاحمر وطبعا طلع تدرج الالوان اصفر برتقالي احمر وهذي النتيجه<<<ماجبتي شي جديد :hahaha:
الحين ياحلوات لصقت الخيوط بطريقه عشوائيه بحيث تطلع من تحت القماش..
وبعدييييييييييييييييين لونته.. ما فيه اي متعه تلوينه ..يغث :09:
يتبع................فضلاً لا أمراً...لا احد يرد
ايوه...بعد مالونت الخيوط رسمت باللون الغامق تحت الخيط مباشره فيكون مثل الظل..وهذي مره مهمه لانها تعطي بروز للخيوط..مثل ما هو واضح في الصوره
وبعدين لزقت اللولو على حافة القماش بالغراء مخلوط العجينه..اكثر تماسك...
الخطوه الي بعدها لونت طيات القماش الداخليه باللون الغامق(أولاً)
وبعدين باللون الفاتح.............الطيات العلويه...فاهمين علي؟؟
تراني معلمه فاشله ..رحمه بالطالبات جلست ببيتي :22:
معليش اصبروا علي شوي...عارفه مليتوا
لونت الطيات مره ثانيه بالغامق عشان اغطي كل المساحات البيضاء..
ومره ثانيه اللون الفاتح بفرشه عريضه على الأجزاء العلويه فقط
وأخيراً باللون الذهبي فوووووق على خفيف..وعلى اللولو بعد من فوق..لأضفاء لمعان رهيب<<< وش تحس فيه :p
والله ربي بيجازيكم على صبركم..كم خطوه وأخلص......لا تردون:42: