اذا تركها ربي يعوضها خير

up

يااختي ليش ماتحط ولدها عنده وتتزوج وتعيش حياتها
من جديد
وراس مال الولد يرجع لها من جديد صدقيني خليها تشوف حياتها مع غيره

انا يااختي اعرفلك وحده صار معها نفس الموقف وبالاخص ساكنه في جده ومدرسه وبنت عز يعني راعيه خير وتزوجت واحد اقل منها من الناحيه الماديه وكانت تبيه يعيشها بنفس المستوى الي تبي بدون ماتصرف ولا ريال وجابت اطفال بنت وولد وكانت تروح محلات الماركات وتشتري لعيالها بدون حساب واذا زوجها ناقشها تقله انا بنت فلان وماتبيني اشتري الي نفسي فيه ؟
المهم الرجال طفش لانها شايفه نفسها على اهله مره وتتكلم عليهم وماتزورهم ومحتقرتهم بالمره وهي مفكره ان زوجها مايقدر يتزوج عليها او يفكر بغيرها بس مع الوقت طفش الرجال من غرور زوجته وقله مراعاتها لظروفه وكانت حياتهم دمار بعدها صار يشتكي لاامه انه مو مرتاح معها خاصه انها قالتله انك ماراح ترضى فيك اي وحده واحمد ربك اني راضيه فيك المهم امه شافت حال ولدها والعيشه الي عايشها وخطبتله وحده متدينه وجميله وتخاف الله وماشاء الله ربي عوضه خير ويوم عرفت زوجته انه تزوج قالتله طلقني انا اصلا ماابغاك من زمان وانت منت مستواي طلقها وجلس مع زوجته الثانيه مبسوط فتره الين ماقامت تزن عليه يرجعها عشان عيالها والله انها صارت هي تتصل فيه تترجاه يرجعها تخيلووو ؟
رجعها عشان عيالها مثل ماقالت بس ماكان له خاطر فيها لانه انجرح منها وجلست معه فتره تبيه يكون لها مثل اول بس مافي فايده واغلب وقته مع زوجته الثانيه لانها عوضته عن الحرمان الي شافه مع الاولى وكان كبير بعينها وماعمرها حقرت منه ولا قللت من قيمته
بعدها ماقدرت تتحمل وطلبت الطلاق مره ثانيه مع انها رجعتله وهي راضيه بالضره بس بعد فوات الاوان
اختي سامحيني طولت السالفه بس حبيت اوضحلك ان الوحده لازم تحافض على بيتها من البدايه وانا مااقول ان صديقتك هذي ماحافضت بس لابد يكون هناك نقص ولا خلل عشان صار الي صار يمكن هي ماقالتلك عليه والانسان دائما يحب يبين نفسه خالي من العيوب وان مامنه قصور
شوفي حبيبتي قوليلها تتقرب الى الله وتصلي وتدعي ربي يكتبلها الي فيه الخير وبعدين يمكن مالها خير في العيشه مع زوجها ماتدري ربي وين كاتبلها الخير
الله يفرج همها وهم كل وحده تشهد ان لا اله الا الله وان محمدا رسول الله

عاشقه كيد
هي متعلقه في ولدهاوخايفه منهم انهم يأذوه .
شموخ طيبه
بالعكس هي زي زوج الي ذكرتيه في القصه بس هي مره طيبه والكل يمدح فيها وانا اعرفها صبرت عليه وهو ماحمد ربه رزقه بزوجه استغفر الله لامال ولاجمال ولا اخلاق ماتهتم فيه لدرجه انو تقول في المحكمه شافته مبهدل وتوبه عليه بقع عصير وشاهي ومهونضيف ماهي عاطيته وجه وهو كان يموت فيها ويقول لما خطب الثانيه لما شافوه مايهتم في نفسه قال اذا مولزوجتي على صديقتي اتعدل لمين الي اتعدل لها ماهي فيه تخيلي فجاءه يقول بعد ماهو الي كان يبغى الصلح معاها لانه عارف نفسه ظلمها يقولها مابغاك؟
مشكورين.