&لمعة الماسة & @amplmaa_almas_amp
عضوة فعالة
لوسمحتوا من عندها حوض سمك في بيتها تساعدني ..جزاكم الله الجنة
السلام عليكم ورحمة الله وبركاتة ... اشتريت لي حوض سمك من شهرين ومن شريته وانا مبتلشه فيه اول مااشتريته كانت الموية بسرعة تتوسخ واشتريت فلتر ثاني علشان تصير الموية صافية وبعدها صار السمك يموت بسرعه وجبت سمك غيرهم واليوم اكتشفت انه يسرب مووووووووووية انصدمت :o مدري شسوي بهالحوض المشكلة حرام ارميه جايبته غالي وكبيير شوي عاجبني شكله بس مدري وش اسوي الحين في تسريبه من صار عندها حوض ونفس المشكلة يعني التسريب ذا له حل لو ارميه خلاص:06:
17
7K
يلزم عليك تسجيل الدخول أولًا لكتابة تعليق.
مشكورة يالغلا على الرد بقول الى زوجي ان شاء الله يوافق لانه كل يوم قصه مع هالحوض :(
انتي عندك كذا مشكله اولا مشكله التسريب مثل ماقالت الاخت فضي المويه وخلي زوجك يوديه عند محلات القزاز يصمغونها ..وفي طريقه ثانيه انتي اذا عرفتي مكان التسريب عبي الماء في الحوض اقل من مكان التسريب موقتا لين تصلحينه..
ثانيا : مشكله موت السمك يمكن من الاكل ماناسب نوعه او من كثر ماتحطون له اكل لانك قلتي الماء يتوسخ بسرعه ..
الاكل تحطين شوي ومره في اليوم بس كفايه (( حسب نوع السمك عندك بس اسماك الزينه كذا غالبا ))
ثالثا : الفلتر عندك بكم شريتيه؟؟ فيه انواع فلتر وجوده زي عدمه اشتري فلتر يكون سعره غالي شوي بس يريحك زماااااااان كان عندي حوض سمك وكان الفلتر ماينظف فاخذت فلتر بسعر 200 ريال والحمد لله ارتحت
وبرضه لاتنسين اذا نظفتي الحوض جيبي طست حطي فيه السمك مع الماء الي في الحوض لا تحطين ماء جديد .. وبعد ماتنظفين الحوض ((افضل شيء للقزاز من الداخل والخارج وعن تجربه الجرايد تنظف مرررررره )) وترتبينه وتعبينه ماء لاتحطين السمك الا بعد ساعتين عشان مايموت وفترت الساعتين عشان الكلور ينزل تحت (( جربي بعد ماتعبين ماء جديد حطي سمكه وشوفي كيف شكله بس فاتح فمه كانه مايقدر يتنفس .. بس اذا حطيتيه بعد ساعتين عااادي .. وبعض الناس يتركون شوي من الماء القديم مايشيلونه كله ))
الله يعينك هو متعب تنظيفه بس يستاهل شكله حلو ومريح خاصه مع الاضاءه تبعه خخخ
لاتنسين الفلتر
وااااو على السمك ومشاكلهم كان عندي مو حوض واحد جربت كذاحوض وكذا حجم وافضل شي ناسبها البلاستيك ولكن للأسف توحمت فيها وتركت تربيتها مع انها حللللوه وتوسع الصدر
~~ورده~~
•
وااااو على السمك ومشاكلهم كان عندي مو حوض واحد جربت كذاحوض وكذا حجم وافضل شي ناسبها البلاستيك ولكن للأسف توحمت فيها وتركت تربيتها مع انها حللللوه وتوسع الصدروااااو على السمك ومشاكلهم كان عندي مو حوض واحد جربت كذاحوض وكذا حجم وافضل شي ناسبها البلاستيك...
اول ملاحظاتي لك انك قلتي انك مركبه فلترين وتتوسخ المويه !!!
هذا لأنك تكثرين اكل
تدرين تعبت مع السمك ليييين قال لي صاحب المحل ان الحل مع السمك انك ماتكثرين لهم اكل وانا اعطيهم في اليوم مره لييييين
قال لي شفتي الحوض هذا الي هو تبع المحل قلت ايه قال اعطيهم تقريبا مره في الأسبوع والحوض حقه مرررره كبيييييييير
وانا اقول لييييه تتوسخ المويه ويموتون كل يوم 2 لييين يخلصون مع ان حوضي صغييير قال لي اعطيهم كل ثلاث ايام
اكل والحوض حقه مليان اسمك وكبير يعطيهم مره وحده تقريبا في الأسبوع
هذا لأنك تكثرين اكل
تدرين تعبت مع السمك ليييين قال لي صاحب المحل ان الحل مع السمك انك ماتكثرين لهم اكل وانا اعطيهم في اليوم مره لييييين
قال لي شفتي الحوض هذا الي هو تبع المحل قلت ايه قال اعطيهم تقريبا مره في الأسبوع والحوض حقه مرررره كبيييييييير
وانا اقول لييييه تتوسخ المويه ويموتون كل يوم 2 لييين يخلصون مع ان حوضي صغييير قال لي اعطيهم كل ثلاث ايام
اكل والحوض حقه مليان اسمك وكبير يعطيهم مره وحده تقريبا في الأسبوع
الصفحة الأخيرة
خسارة ترمي..