لوسمحتو طريقه الكريم كرامل الي بالفرن ضررررررررروري

انشا لله حبيبتي .........
المقادير:
5 بيضات
1 حليب مركز
فانيلا
3 كاسات حليب(المراعي،ندى الصافي.......الموجود

تخفقين البيض وباقي المقادير مع بعض

وتاخذين 2 ملعقه سكر وتذوبينها على النار لين يحمر لونها

وتحطينها في الصينيه وبعدها اتحطين المقادير الي خلطيهم مع فوقها

وتحطينها في حمام مائي في الفرن لمده ساعه وعشر دقايف


وسامحيني ماعرف اشرح زي الناس.....وبالعافيه

تسلمين ويعطيك الف عافيه

بس عندي سؤال الحليب المركز محلي

واذا فيه احد ثاني عنده طريقه ياليت يقولها

والف شكر

مرحبا اختي ساره

هذي طريقه كريم كراميل جدا جدا مضبوووطه...... جربيها وادعيلي


كريم كراميل :

6-7 بيضات
1 لتر حليب
1 حليب نستله المركز(حجم كبير)
1 قيمر
هيل وزعفران

*الكراميل: نص كوب سكر

الطريقه

يحرق السكر في قالب الكيك المفتوح من الوسط....حتى يتكون الكراميل ونتركه ليبرد قليلا

نخلط جميع المقادير السابقه بالخلاط ونصبها فوق الكراميل.......نحضر صينيه فرن كبيره ونملئ نصفها بالماء المغلي(حمام مائي) ونضع قالب الكيك في منتصف الصينيه وندخلها الفرن بدرجه حراره 180 (لمدة ساعه تقريبا........نختبر النضج مثل الكيك العادي....نغرس سكين ناشفه في الكريم كراميل...بس مو ضروري تكون السكين ناشفه 100% يعني ليما تحسين انها استوت)

نتركها لتبرد بالثلاجه حتى التقديم

تقلب وتؤكل بالعاااافيه
========
ملاحظه......لازم تكون كميه الماء مناسبه...........علشان اذا غلى الماي بالفرن ما يدخل على الكريم كراميل ويخرب


بس جد جد واااااايد سهل ولذيذ ومضبوط

جربيه وادعيلي

نعم الحليب المركز المحلى