لوصاربيتك زيي فندق للسياح وش بتسوين

السلام عليكم يامدامات وانسات العيدعليكم بعدالزحمه والله يعيده علينا وعليكم بصحه وسلامه
بنات بقولكم اخرالاكشنات اللي صارتلي مع زوجي واهله وشجرة عائلتهم وابي كل وحده منكم يابنات تقولي لوكانت محلي وش بتسوي وكيف بتتصرف
السالفه ومافيها اناوزوجي ساكنين في منطقه سياحيه واهله واهلي واغلب اقاربنا في منطقه ثانيه واناياه جينا لهم بالاجازه على اساس بنعيدمع اهلنا ونستانس يوم جاليلة العيدقررو اهل زوجي انهم يروحون يتمشون فالمنطقه اللي اناساكنه فيهاطبعاكل مره يجون لازم يسكنون معي في بيتي وبيتي شقه صغيره عباره عن مجلس ومقلط ومجلس نساء بالاضافه للصاله وغرفة النوم يعني يدوب على قدنا وهم ماشاءالله عائله كبيره جدا اكثرمن 7اشخاص بس وش اسوي اهل زوجي ولزومه استضيفهم مع انهم وللامانه مايرتاحون معي ولاارتاح معهم نهائياوفي شوية مشاكل انارفضت اروح معهم لاني جايه بعيدمع اهلي ومن زمان ماشفتهم وابي ابتعدعن المشاكل والاحتكاك تفادياللتصادم وراحو وراح زوجي معهم قاموعمانهم لحقوهم وعمانهم الثانين بعدلحقوهم وخواته المتزوجات وازواجهم وبزارينهم وكل هاذولي اللي راحويتمشون لهم اقارب في نفس المنطقه اللي راحولها يعني يابنت يا اخت ياخاله :mad:
اللي صاران كل هالعوائل سكنو في بيتي انا وانا ياراعية البيت موموجوده كان الدنيامافيهاشب اسمه شقق مفروشه ولافنادق يعني قمة الوقاحه انهم يستحلون بيتي ويخلونه فندق لهم وانا اللي بس طول السنه ازين واعدل فيه يعني تخيلوان اكثرمن 30شخص من اطفال وشباب وحريم وبنات يسكنون بيتك ويمرحون ويسرحون على كيفهم وش يدل عليه هاذا موب يدل على ان هالعالم كلهاوجهامغسول بمرق ولاتستحي على دمها ولاتقولون زوجك عازمهم زوجي ييحلف ويقسم انه ماعرض عليهم انهم يسكنون معنا ابد وهم جلسومن كيفهم وزوجي يتاسف ويعتذرمني ويقول من ابسط حقوقك تعترضين على هالوضع بس انامابدي شي اسويه ومع اني مشترطه عليه فالعقدمنزل شوعي مستقل ووافق عليه برضاه بدون محديغصبه صح انه نفذالشرط بس نفذه تنفيذجزئي لان كل من بغى يصيف من اهله طب عندي في بيتي قلولي وش اسوي يابنات تكفون بموت من القهرالمشكله كل هالحريم اللي سكنوفي بيتي بيني وبينهم حزازيات يعني متعمدين يكونون في بيتي علشان يقهروني ويحروني خلاص ماعاداتحمل :44: