ماشاءالله طريقة عرضك مرة حلو الله يعطيك العافية

شجعتيني احط اللوك الصباحي اللي اتبعه للدوام

اول شي احط على ويهي كريم فيتامين e اللي من بودي شوب
اولا ريحته حلوه وخفيف وناعم على البشره واستخدمه الصبح بدال البيس



بعدها احط كريم الاساس من جيرلان .. هو حلو وخفيف ومناسب جدا للبشره الجافه ويعطي لوك طبيعي وحلو وتحسينه نوعا ما دهني .. وهذا اللي عاجبني لانه بشرتي جافه وهالكريم يتوزع بسهوله .. وبنفس الوقت عباره عن كريم حمايه للشمس .. يعني اثنين في واحد ..



وبعدها احط البودره السائبه من فورايفر عشان تطفي لمعة كريم الاساس .. وافضل السائبه عن المضغوطه لانها اخف وتعطي تغطيه طبيعيه ..



احط قلم كحل اسود داخل عيني .. احب ماركة سان لوران وناسبتني لانه عيني حساسه وهالكحل الوحيد اللي مايحرق عيوني ولايخليها تدمع .. ومايسيل



وبعدها احط ماسكرة سان لوران الذهبيه .. تعطي كثافه وطول للرموش ..



وبعدها غلوس .. احب الالوان الهاديه والطبيعيه .. يعني الوردي واللحمي .. اي بلون طبيعي .. وافضل الغلوس للصباح ..
احب غلوس ديور رقمه 527 ولونه وردي .. وشريت اللون البني واللون المشمشي بس ماعندي ارقامهم الحين .. والحلو فيه انه فيه لمعه تسطل وتخلي الشفايف مليانه ومثل المرايه ..
واحب غلوس كلينك .. خذت اللون الوردي الهادي .. فظيييييييع .. يخلي الشفايف تبرق وتلمع وتنفخها شوي وتعطي منظر حلو





واخر شي احط البلاشر الكريمي من ماك وهذا اسمه lilicent لونه طبيعي وردي على مشمشي واللمعه اللي فيه طبيعيه يعني يخلي خدودك دهنيه نوعا ما وتلمع ..
وهذا لونه



وفي النهايه امشط حواجبي بفرشاة الحواجب .. لانه حواجبي غامقه ماارسمهم بالقلم .. واكتفي بتمشيطهم ..

ان شاءالله تعجبج اغراضي ومشاركتي

تدرين حمستيني اجرب ماركة بورجواز .. بس مااعرف هي وين موجوده بقطر ؟؟

صبااح الورد يالغاليــة ,,

استانست وايد لما شفت ردج ,, فديتج والله

عن طريقة الكحل ,, وايد حلوة ,, اذا عيونج صغار او نوعا ما مبطنين حطي كحل بورجواز الفيروزي ,, داخل عيونج وحدديها من برا بكحل لانكوم الكحلي ,, جنج ترسمين بأي لاينر بس مب وايد يعني من تحت الرموش وفوق الجفن نفس الشي ,, حطي خط الكحل باللون الكحلي قريب الرموش ,,

اذا عيونج متوسطة الوسع ,, ولا واسعة ,, حطي كحل لانكوم الكحلي داخل عيونج الحلوة ,, وحددي عينج من برا بكحل برجواز الفيروزي ,, صدق نظرة خلابة ,, هيه صح ,, كحل برجواز قبل لا تحطينه مرريه عالولاعة مب وايد ثواني ,, اللون بيكون واضح وعميق واللمعة بتكون احلى ,, منظر القليتر بيكون مرررررررررة براااق ,,

لووووووول ماسكارا التايقر لاش كوين بجد حلوة,, بأمانة كنت استخدم قبلها سان لوران الذهبية,, مدحوها وايد بس ,, لما جربت التايقر حسيت بصدق انه عيوني عيون تايقر >>>>> ما شا لله احينه بدق نفسي بعين لووووووووول

ان شا لله تحصلينها يا قلبي وتقوليلنا عن تجربتك وياها ,,

محبتــــي ,,

جزاك الله خير موضوع حلو ومفيد ويستاهل التميز لانك تميزتي بالعرض وطريقة الطرح

انا برجوا احب مناكيرتها مرة حلوة وسلسة وماتتعب الاظافر بس مشكلتها ماعندهم

تشكيلة الوان لونية كبيرة في المناكير

ومن موضوعك اتشجعت ع الماسكار لرموش كما المهفة ع قولك:22:

وصراحة طلعت مرة مرررررة حلوة طبعا اول استخدام كاي ماسكارا بتكون ثقيلة

لكن نتيجتها مرة صدمتني مااتوقعتها ابدا بهذي الروعة بالنسبة لي اتفوقت ع الهيبينوز من لانكوم انا اخذت انتنستف ماكسيمومم الترا بلاك

جزاك الله خير:26:

مشاء الله على موضوعك متميز وجدا رائع استفدت اشياء كثيره مع اني مو مره افهم بالمكياج بس اعجبتي درجات الوانك في الغلوس والارواج والبلاشرات تسلمي الله يعطيك الف الف عافيه من جد مشكوره..