لوكانوا أخوات زوجك غثيثات ايش بتسوين؟!

بصراحة أنا أبغى أسمع ردودكم يا أخواتي وأستفيد من اراء صاحبات الحكمة ..أنا عايشة مع أهل زوجي ومستقلة في دور لحالي لكن بس بالاسم ...لأنه أخوات زوجي الأربع واللي أعمارهم 13-16-20-22 عاملين مناوبة ودوام في بيتي من الصباح وقبل ماأصحى من النوم الى اخر الليل... وامهم ولاتسأل فيهم , في البداية كنت أقول عادي عادي بس بصراحة زاد الوضع عن حده الى ان صرت ماأقدر اتحمل ...وصرت ماأخذ راحتي في اللبس أو الأكل أوحتى في الأسترخاء وهم أول مايجون يدخلون المطبخ ويفطرون وبعدين يجون يتبطحون قدام التلفزيون ومن قناه الى قناه مسلسلات وسبيس تون ويتضاربون على الريموت لأن كل واحده لها قناتها المفضلة ....وصارت ماني طايقة نفسي ولا البيت وبدأت أحاول أقاوم هالوضع بعدة طرق منها اني ماافتح الباب أو اطلب منهم المغادرة لأني أبغى أنام لكن فوجئت بزوجي انه بدأ يتضايق مني وصارحته اني ابغى اخذ راحتي بس ماتفهم والان اصبح الموضوع عناد بيننا الاثنين ..قولوا لي وش الحل ياأخوات