لوكنتو مكانى تزوروها ولا لا ؟؟؟؟؟؟؟؟

خيركم من بدأ بالسلام

روحي وايش عليكم من الناس وخليك الأحسن ولا تبيني شيء عليك ولا تعاتبيهم في شيء

روحي واخذي معاك صحن شوكلاته وطقم او طقمين للطفل

وبس ولا تتعبي نفسك بالتفكير

اهم شيء تروحي لهم

مدري يمكن لو تقابلين اساءتهم لك باحسان وتزورينها افضل لك ولك الاجر ترى الدنيازائله وكل شي زائل
خذي لها قهوه وحلا ومعجنات جاهزه وسلمي عليها وباركي لها وانتي ربي معك ماانتي بحاجه لاحد والله يعوضك خير ويسخر لك زوجك

الله يعينك يااختي انتي شوفي الي يريحك وسويه

من خلال تجربه انصحك لوجه الله لاتهينين نفسك لجل أي حد في الدنيا لو هي امك والديك (وأن لنفسك عليك حقا)


انتي مجروحه مرتين من زوجك وخواته كيف تجبرين نفسك تدوس على الجرح بجرح ثالث ..... نظرات الناس وشماتتهم وماتضمنين حركات

خواته ونقزاتهم ....... فليش اخسر صحتي ؟ من يستاهل ؟


انتي الحين ماعندك شي تخسرينه ..... زوجك وتزوج .....شاف نفسه وراحته ....... خواته انتي ماهميتيهم ولاعيالك هموهم شافوا راحتهم

ماحملوا نفسهم مسئوليه وواجب لما غاب زوجك ....... طيب وانتي ؟؟؟ كثير على نفسك تعزينها لو بشوية كرامه ؟؟؟


يا أختي محد بيضمد هالجروح غيرك ...... لاتنتظرين زوج ولا أهل ...... وعلى فكره كل مازاد الجرح وكبر بيولد جروح اكبر وأمراض تعرفينها الله

يجيرنا وياج منها


وأول خطوه للعلاج : اسفهيهم ولا تضغطين على نفسج اذا عندهم مناسبه اذا مو مرتاحه منتي بمجبوره وشوفي كيف يحترموكي مو من اول

مره لكن عوديهم بطريقتك على هالشي بالتدريج اذا رحتي مره اقطعي عشر خلج ثقيله ومثل ماقلت لج ماعندك شي تخسرينه

والخطوه الثانيه : ارفعي من قدر نفسك ...... اطلعي من الحاله النفسيه الي انتي فيها واهتمي بمظهرك وبأولادك وتقربي من اهلك واذا

عندك صديقه تواصلي واطلعي معها رفهي عن نفسك ولاتبينين لزوجك واهله انك زعلانه من زواجه هالشي يفرحهم وبالذات الزوج يحس

بضعفك ويستقوي اكثر فخلك قويه بيني العكس ، وشوفي النتيجه .....مو بس خواته ....زوجك بيحترمك اكثر وبيعمل لك حساب اكثر .... كل

ماسفهتي اكثر ورفعتي قدرك اكثر بالمقابل بتلقين احترام اكثر ، لا تزورين اخته وفكري بعذر مناسب لعدم الزياره سواء هم سألوكي او زوجك


واشتري صحتك


ويشهد الله اني وضعت نفسي مكانك ونصحتك كما انصح نفسي ..... لأن الكثيرات منا مروا بمثل هالمواقف وكل وحده منا لابد لها خلاصة


تجربه وواجب تفيد غيرها .

اذا قررتي تروحين عصرية وارجعي لاتتاخرين عندها
وخذي كرتون عصير مثل ماجابت