لوكنتي مكاني تعلمين زوجك وش صار او تسكتين ........رايكم يهمني جدا

باختصار
انا قبل اربع سنوات خطبني واحد متزوج وانا رفضت لاني ما ارضي اهدم بيت عامر
ومرت السنوات ورجع مره ثانيه بس ها المره يخطبني لاخو زوجته
واخو زوجته مطلق وماعنده عيال ورجال ماعليه كلام وشاب موظف وووووو وتم الزواج
وصار لنا سنه متزوجين .
الي الحين كلش زين

وين المشكله >>>>>>>>> اقولكم وين المشكله (((( اخت زوجي )))
زوجت الي كان خاطبني عليها وانا رفضته
مرررررررره تتدخل في حياتي وين رحتو ليش توديها كل يوم روحات وجيات بس عاااااااد انت منهبل
ودايم تعليقات علي وتمصخر ودايم تقول يوووووة لا تزعلين تراني امزح وقلبي طيب
وزوجي دايم يقول قلبها طيب واجوديه لا تواخذينها

الي الحين وانا اقول لنفسي طنشي ومشي حياتك واخذها بالمحايل

الي يوم اتصلت علي وقالت تعالي ساعديني عندي عزيمه رجال بس والله ما الحق
وقلت لزوجي وقال عاااادي روحي ساعديها اختي مو غريبه
وسالتها عندك حريم يحتاج اكشخ قالت لا والله بس رجال
عاااد انا لبست لبس عااادي وشعري عااادي و مكياج خفيف والحمد لله انا حلوة يارب لك الحمد
بس اخت زوجي عليها جسم خيال روعه وابيض مني
ونشتغل في المطبخ وخلصنا وصااارت تجهز الصحون والصواني واطلعهم في صاله صغيره قبل المطبخ
وانا في المطبخ

والطاااااااااامه يا بنات ان زوجها دخل علي المطبخ وشافني وجها لوجه
وانا من الربكه لفيت وعطيته ضهري وصرخت
قام طلع من المطبخ وقالها ليش ما علمتيني ان عندك حرمه ويصارخ عليها

شوووووفو وش قالت له قالت هااااااذي زوجه اخوي وقالت له اسمي والرجال ما يعرف منو انا
وجت تضحك وقلت لها ليه ما نبهتيه اني عندك قالت خليه يشوفك وتضحك
قلت لها ليش وما ردت علي تضحك بس

مع العلم ان زوجها دايم يقولها حظ اخوك يكسر الصخر

والله يا بنات انا خايفه وما علمت زوجي
وخايفه منها لا تقلب الموضوع ويجي علي راسي
وما ادري اعلم زوجي او اسكت
تكفوووووون شورو علي