لولا لطف الله ثم دعوت امي ولا كان الشرطة حجزت علي

مررررررررررحباا
كيفكم ؟؟والله اني شتقتلكم كتير لانه جهازي كان خربان لكن هلاء لا تقلقوا الحمدلله مشي الحال.:hahaha: .........
وهاي الوردة مني لكل الحلوات :26:
المهم انا بدي احكيلكم عن دعوة الام كيف هي كتير عظيمة من الموقف اللي صار معي ...
شوفوا يا اخواتي الغاليات ..
انا والحمدلله معي رخصة سواقة وعندي سيارة<<<مو قصدها تتفشخر لا سمح الله بس ضروري تعرفوا عشان القصة اللي بدي احكيها ولو تعرفوا قصة هالرخصة احنا واهل البلد لما شوفناها:hahaha: اربع مرات رسوب وبالمرة الخامسة اخدتها ما علينا المهم ...

في المرة الخامسة لما اخدت الرخصة كان صايبني اليأس وقررت اني ما اروح على الفحص لاني كنت متوقعة اني ارسب متل كل مرة لكن امي الله يخليلي اياها اصرت اني اروح على الفحص وهي اجت معي وقبل ما ابلش الفحص دعتلي انه الله يوفقني وفعلا الله وفقني واخدت الرخصة <<هاي اول وحدة ..
بعد ما اخدت الرخصة امي دعتلي اني ما اشوف منها الا كل خير وانه الله ما يوقف بطريقي الا اولاد الحلال <<< يالله هالدعوة بفضل الله شو حمتني من حوادث ومخالفات ما شاء الله لا قوة الا بالله كل مرة بكون عاملة مخالفة الله بيبعتلي شرطي ابن حلال وما بيخالفني وما اكترها هالمواقف :22:

المهم يا بنات انه صار معي موقف غير شكل لولا لطف الله ولا كان الشرطة حجزوا علي ...
كنت يا حلوات ماشية في شارع السرعة المقررة فيه 60كم لكن انا ما بيعجبني امشي على هيك سرعة ومشيت على 110 كم يعني تقريبا ضعف السرعة المقررة وبالصدفة كان هناك في رادار ولقطني ..
ويا ريت على هيك وبس كان بسيطة كان كل القصة حجز رخص وبس ..

لكن المشكلة انه كنت ناسية الرخص (رخصة السيارة ورخصتي ) في البيت << وهون المشكلة اول شي كيف بدهم يتأكدوا انه انا صاحبة السيارة ؟؟وكيف بدهم يتأكدوا انه معي رخصة سواقة ؟؟

في هيك حالة المفروض يحجزوا علي وعلى السيارة...

وانا راح احكيلكم الموقف بالظبط كنت مسرعة وفجأة شفت شرطي قدامي بأشرلي عشان اوقف على اليمين << وهيك صار ..
وبعدين اجى عندي وسألني انتي عارفة السرعة اللي كنتي ماشية عليها كم ؟!
قلتله لا !!
قالي كنتي ماشية بضعف السرعة المقررة بهالشارع طبعا وهو مصدوم !!
بعدين سألني وين الرخص <<وهون كانت الصدمة اتذكرت اني ناسية الشنتة في البيت وفيها الرخص :eek: وبصراحة كتير خفت وشو بدي اعمل ..
قلتله وبكل ثقة والله الرخص في البيت ..
قالي كمان :angry2:
بعدين حكالي انتي بتعرفي انه بهيك حالة المفروض احجز عليك وعلى السيارة :06:
قلتله لا شعوريا الله يستر على ولاياك تستر علي شو اللي تحجز علي والله زوجي بطلقني :44:
فصار يطلع على الشرطي التاني اللي معه وحكاله بتقلك الله يستر على ولاياك شو رأيك؟؟
فأجى الشرطي التاني عندي وحكالي اختي مرة تانية لا تطلعي من البيت الا لما تتأكدي من الرخص انهم معك والله يستر عليك وعلى ولاياكي تلتزمي بالسرعة المقررة :hahaha: ..والله معك تسهلي في هاللحظة يا بنات اتذكرت امي الله يخليها لما دعتلي انه الله ما يوقف بطريقي الا اولاد الحلال <<الحمدلله حمدا كثيرا

عشان هيك انا بنصح كل وحدة تكسب من امها دواعي على قد ما تقدر لانهم بينفعوها في الدنيا والاخرة ...