لولا لطف ربي كااان .... ( الحمدلله كما ينبغي لجلال وجهه وعظيم سلطانه )

السلام عليكم ورحمة الله وبركاته

يا حريم انتبهوا لعيالكم ترى والله صار لي موقف اليوم بغيت اموووت منه
كنت رايحة للسوق وماخذه معاي عيالي ربي يحفظهم.. وبينهم ولدي الصغير اللي عمره سنتين ونص تقريبا
المهم دخلنا كلنا محل قريب من السلم الكهربائي ونحن بالمحل قالوا عيالي لابوهم بنروح نلعب براا شوي قريب المحل فقال لهم اوكي
انا من شفتهم يطلعون من المحل قلبي ما ارتاح لان الصغير مشاااغب جدا وياما حطني في مواقف الله لا يوريكم بس افضع موقف سواه فيني كان اللي صار له اليوم
المهم بعد ما طلعوا بثواني طلعت وراهم اشوف وين يلعبون بس اللي شافته عيني كان ان عيالي الاثنين متعلقين في السلم الكهربائي من برااااا
يعني هم مب في داخل السلم .. لالالا متعلقين على اطرافه من برا وتخيلوا السلم يتحرك صاعد لفوووووووق وولدي الاكبر بالروضة اول ما شافه تحرك على طووول رمى نفسه لانه فاهم بس الصغير اللي كان يقلده تم متعلق ورااااح فيه السلم لفوووووووووق وهو ميت من الخوف
عاد انا اول ما لمحته عيني وهو يبدا يصعد ولا فيه احد منتبه له رحت اركض بس للاسف ما لحقت عليه وراااح فووووق بسرعة البرق وما لقيت نفسي الا وانا اصاااارخ وامشي بنفس المسافة اللي يرتفع لها من تحت علشان لا طاااح امسكه واصاااارخ
الناس طبعا كالعادة تجمهروا وابوه كان ماسك بنتي الصغيرة ولا قدر يسوي شي لان السالفه كلها صارت بسرعة فضيعة ولكن على صراخي انتبه واحد فوق بالطابق الثاني واسرع ينط بالسلم ويمسكه لانه كان خلاااص وااصل فووووق بدرجتين فرق تقريبا ولولا فضل الله ثم هو كان ولدي اليوم الله اعلم كيف حاله

ربي يسعده في حياته ويوفقه دنيا واخرة امين

يا حريم تراني افول لكم قصتي هذي علشان تنتبهون ترى ابد ما كان في بالي هالشي ولما خبرت اختي تقوول ابد ما خطر في بالها بعد هالشي
انتبهوا لعيالكم والله يحفظهم لكم امين