لولولولوش باركوا لي ولدت

السلام عليكم بنات حواء الحمدلله باركوا لي جميعاً ولدت بالسلامه وجبت ولد
سميته ( عبد العزيز ) عقبال الحوامل جميعاً والله يرزق كل محرومه
قصة ولادتي كانت قصه الجمعه الماضي 3/3/2006 الموافق 3/2/1427 الساعه 8:36 صباحاً والطلق بدأمعاي من يوم الإربعاء وماكنت ماأدري وش السالفه مش متاكده انه طلق (نسيت الطلق) وبنص الليل نزلت معاي سدادة عنق الرحم ( عباره عن كتله مخاطية كريمية مخلوطه بخيوط بني ) ويوم الخميس زادت الآلام وآخر الليل نزلت معاي إفرازات بني وبعدين تروشت بموية دافيه وزاد الطلق وبعدين تقهويت قرفه وزاد أكثر فعرفت أنها ولاده رحت المستشفى كان الطلق كل 10 دقايق وكشفت الدكتورة لقت الرحم مفتوح 4 سم وطلقي حامي وقالت ولاده ودوني غرفة الولاده وركبوا جهاز مراقبة الجنين وجهاز مراقبة وقياس الطلق والممرضة الله يهديها تخيلوا ركبت الجهاز في مكان خطأ وكنت ميته من الألم وتقول مافيه طلق مره خفيف قلت والله باتقطع من الألم فلما حت الطبيبة المناوبه قالت ليش كذا؟ طلقك برد قلت حرام عليكم يادكتوره أنا أحس أني راح أموت من الألم وأنت تقولين ما في طلق المهم مرتني بعده وكان معاي طلقه قلت اللحين فيه ألم قلت مره شيكت لقتهم مركبين جهاز الطلق في مكان غلط وكان طلقي حامي والرحم وصل 6 سم مادروا لكن الله ستر وسهل وتمت الولاده بنجاح وطبيعياً الحمد لله والشكر وأنا ولدت بعد مااخذت 6 أيام من التاسع .