الحمدلله والصلاة والسلام على رسول الله وعلى آله وصحبه أجمعين
عملت قبل كم يوم عالعشا عرايس و طلعو ما شاء الله بشهوو
عادة انا ما بحطهم بالفرن ابدا ولا حتى بلفهم بقصدير
بعملها بالسيب تاعت الساندويشات و هيها للي ما بعرفها
نبدا بسم الله بالمقادير و الطريقة سوا :-
أول شي بدنا نبشر حبتين او تلات حبات بندورة كبار ( ممكن تشوفو انو كمية البندورة كبيرة بس انا هيك بحبها تكون اكتر من اللحمة عشان تضلها اللحمة طرية )
و بنبشر بصلة كبيرة مع سنين توم مفرومين
و بنحط اللحمة عليهم و بنقطع فلفل حااار دوائر رفيقة للي بتحب الحد و بنحط رشة بهارات و ملح بسسسس عشان كتر البهارات بتطغي على طعم اللحمة ( مو عارفة وين راحت صورة الخلطة كلها شكلو نسيت اصورها
)و بنجيب خبز يفضل يكون فريش مو قاسي و ناشف تاركينو بالتلاجة من اسبوع
و بقسمو نصين و بنفتحو و بندهنو من جوا زيت زيتون و بنحشيه
بس بنات كترو حشوة يعني لا تكحتتو لئنو اللحمة بتكش جوا
و بندهنها من برا عالوجهين زيت زيتون وبنحطها بالسيب و لازم تكون السيب حامية عشان تبين خطوط الشوي عالخبزة
طبعا حرارة السيب على أعلى اشي
و احسبولها خمس دقايق لسبع دقايق الزبط بتكون استوت مزبووووووط
هيهم أول ما شويتهم
شوفو ما احلى خطوط الشوي عليهم شكلهم بجنن ما شاء الله
قدموها مع بطاطا مقلية و كاتشاب
تم بحمد الله
ان شاء الله الوصفة البسيطة تعجبكم حبايبي
و دعوااااااتكم
بتشهي فعلا
بس حبيت اسألك تسلقين اللحمه اول والا تكون نيئه
واذا كانت نيئة تستوي بسبع دقايق؟؟؟