هلا قلبي :) انا غرفتي لونها اخضر يعني نفس غرفتك بس مدخلة في لون الازرق في الاكسسوارات ( الشموع . براويز الصور . القماش على الطاولات الجانبية اللي جنب السرير ) وغطاء السرير ازرق واخضر وبيج علشان شوي يغير لون الغرفة ويعطي حركة :) وزوليت غرفتي خضرة بس حاطة عليها سجاة صغيرة بلون الاخضر والازرق :) بس تقدرين انتي لو تحبين شي يناسب الاخضر مثل البيج او البرتقالي او الاصفر :) كلها الالوان تتناسب مع الاخضر :)

أنا اتفق مع اللي قالت أكسري رتابة اللون ودخلي ألوان ثانيه
اللحين عندج الصبغة أخضر .. وفراش السرير اخضر فاتح .. خلاص انسي الأخضر لا تدخلينه أكثر عشان ما يصير طاغي وايد ..

عندج الذهبي خذي مشتقاته -- أصفر + أورنج

وتقدرين غير ذلك تدخلين ألوان ثانيه تحسين مالها شغل ولكن تضبط معاج إذا خذتيها بنفس درجو الألوان اللي عندج مثال:-

عندج درجة الأخضر في الجدار .. فاتحه أو خلينا نقول 60% خضار .. تقدرين تدخلين أورنج يكون بنفس درجة الغمق أو الفتوح ..

طبعاً ستايل غرفتج يلعب دور كبير اللون وحدة مب مقياس يعني اذا غرفتج ستايل كلاسيك دخلي أشياء كلاسيك وأنتيكات بألوان البني المايل للأخضر في الأنتيكات والأكسسوارات الكلاسيكية عندج مايل على نحاسي ومايل على بني محروق ومايل على احمر محروق .. وفي حالتج يكون في أشياء كلاسيكية مايله على الأخضر..

أما إذا ستايل غرفتج يصلح يكون جاردن هني عندج خيارات كثيره مفتوحه لأنه الأخضر لون من الطبيعة وأي ألوان من الطبيعة مثل زهور وردية .. صفرا .. أورنج + أشياء تحمل أغصان ومشجرات خضراء غامقة .. ألوان أوراق الخريف ..

أنا أثاث غرفتي بني محروق ولكن الرخام اللي على التسريحة والكومدينو ميال على الأخضر الغاااااااااامق جداً .. لذلك حطيت الستارة لون تحسينه نحاسي على اخضر من أقمشة التفتات اللي تعطي لونين .. بس ما تقيدت لأن صبغتي بيج تقريباً حطيت الأبجورات بيج وماروني عشان اكسر الرتابه .. وفي داخل هالونين في خطوط صغيره لونها اخضر غامق عشان جذيه ما طلعت شاذه ..

مشكورين خواتي على الرد وماقصرتوا