لون غريب في البراز "أكرمكم الله"

ارجو المساعده يادكتوره وصاحبات الخبرة
بنتي عمرها أربعة شهور واسبوعين صار لها اسبوع تقريباً وأكثر اشوفها كله ماسكه أذنها بس ما تصيح ولا شي ولا فيها حراره انا لما امسك اذنها عادي تضحك ما تصيح وكم مره اقيس لها الحراره عن طريق الأذن بعد ما تصيح وتوني من اسبوعين تقريباً عطيتها التطعيم مال اربعة شهور وصارت فيها حراره والحمدلله راحت خلاص
ومن ثلاثة أيام لاحظت ان البراز عندها في لون أخضر اشوي بصراحه تخرعت ليش هاللون سألت يقولون لي ان اذنها فيها التهاب بس المشكله ان هي ما تشكي ولا تصيح يعني طبيعية الحمدلله مية بالمية ترضع طبيعي "صناعي طبعاً" اعطيها عصير برتقال تآكل اعطيها فارليز بعد الحمدلله تآكل بس مشكلة هاللون وفي وحده قالت لي ان تغير لون البراز دليل عن ان راح يطلع لها اسنان !!!!!!!!!!!!!! طبعاً استغربت

ارجوكم محتاره ساعدوني ولكم الشكر ...