للأسف قال لي الحين ان اللون نفسه حق الكنب مخلص قماشه وش اسوي ؟؟


اخاف اسوي كرسين بلون واحد منهم ( اما الذهبي او الزيتي ) ويطلع بايخ :(

هلا الخت مايا ابدا مافي مشكله بالعكس تدخيل الساده راح يعطي فخامه وحركه حلوه في المجلس انت اعملي اربع كراسي فرديه من اللون الزيتي الساده بعد كذا وزعي كل اثنين منهم في جانب من الزاوايا اثنين في الزاويه اليمين واثنين في اليسار او اذا بغيتي اكتفي بأثنين براحتك وحطي مابينهم طاولات جانبيه بس حاولي يكون الديزاين لهم مختلف عن الكنب الأصلي بس من نفس درجه اللون وبديزاينات كلاسيك وبأبجورات طويله مذهبه والكوفر يكون زيتي وبأناره صفراء بتحسين بالفخامه

وبعدين الستاير لاتعمليها بأي درجه من الذهبي راح يكون مرهOver لأن هذا اللون بالنسبه لمجلسك حلو يطلع بالأكسسوار وباناره جداريه ماسكها ذهبي معتق كلاسيك عشان يعطي فخامه اكثر و بكفر زيتي نفس حركه الأبجورات والستاير اعمليها زيتي ساده طبعا كل شي كم نفس درجه اللون تماما مخمليه على حرير طايحه وطويله وتكون جهه من الستاره مرخيه اكثر من الثانيه ونهاياتها مهدبه يكون حلو

والطاولات الجانبيه والرئيسيه عزيزتي خليها لون بني وخلي المفرش مثل ماقلتي لون ذهبي بيعطي رونق للمكان واشتري طاولات اللي تحت بعض بنيه اللون الي تكون بمقاسات مختلفه وحطيها في كورنر يبرز تدخيلات اللون البني وكذا يكون البني اندمج مع الأثاث

اما فكره النباتات مره حلوه وبالعكس بتظهر لك اللون البني وتعطي فخامه للمجلس لما تكون الفروع البنيه ظاهره من النباتات فتعطي تدخيلات البني في مجلسك رونق خاص فيكون Ok عزيزتي بس شرط نباتات طبيعيه افضل طبعا

وانا فضلت اللون البني لأنه افضل الألوان بالنسبه للون مجلسك فالذهبي في مجلسك حلو كلمسات بس واذا فكرتي بالزيتي او الرخام الزيتي بالذهبي بيكون فخم زياده عن اللازم وحركه قديمه بس البني فخم ولون كلاسيك يضل معك حتى لو غيرتي الأثاث مستقبلا

واي تدخلالت ثانيه غير هالألوان بيكون يزحم المكان فثلاث الوان اشوفها كفايه هذا رأيي غاليتي وانت اعملي باللي يريحك وانا بنزلك شرح كلامي بالصورعشان يوضح لك الموضوع اكثر بس حبيت مااتاخر عليك عشان الصور بتاخذ وقت شوي

و بالتوفيق عزيزتي

انت اعملي اربع كراسي فرديه من اللون الزيتي الساده


طيب حلو انا طلبت منه يعمل كرسين او اربع من اللون الزيتي قريب من لون الكنب


والديزاين يكون مذهب عشان يكون مقارب ... ماشي كذا ؟


اذا بغيتي اكتفي بأثنين براحتك وحطي مابينهم طاولات جانبيه


وش السبب اني احط بينهم طاولات جانبية ؟ وهل ستكون باللون البني ايضا ؟


وبأبجورات طويله مذهبه والكوفر يكون زيتي


بنحاول ندور لون قريب من هالونيين لان مشكلة الألوان المحدةة صعب تلاقينها باي مكان

بالنسبة لفكرة الإنارة الجدارية رائعة وماخطرت بصدق اني اعملها في المجلس بس شكلها بتطلع كثير حلووة


اذا ممكن تدليني على محل اقدر القى عنده الإنارة الجدارية باسعار حلوة لان المشكلة من وين اقدر القى نفس اللونيين بالنسبة للأباجورات والجدارية :(


برايك 2 بجانب بعض في احد جدران المجلس بيكون كذا كفاية ؟


بالنسبة للستائر ... قلتي الزيتي افضل الن تكون الغرفة قاتمة بهذا اللون ؟ وخصوصا ان الكنب زيتي هو اللون الطاغي عليه ؟؟


بإنتظارك وبإنتظار الصور والله يجزاك الف خير اختي


والله كنت مكتئبة جدا من اللونيين لكن بمساعدتك لي ارحتيني كثيرا وحسيت ان مجلسي بيطلع فخم مرة وهذا كله يرجع لمساعدتك لي الف شكر لك يالغلا والله يرزقك وينولك كل اللي في بالك
ويوفق اختي الغالية الرساوية ويجزاها الف خير

اللي عملتيه تمام بس انا افضل تكون الكراسي ساده جايه على مخمل وفنهاياتها اهداب نفس حركه الستاير بحيث تكون الخامتين مندمجه مع بعض الي هي خامه الكنب والستاير وفيه لمسه الذهبي واللون البني ايضا فكذا حققتي اللون في شي واحد او تعملي الفكره اللي قبل بالأهداب بدل حركه الخشب


او هالستايل بحركه الأهداب الي حكيتلك عنه بس اذا سويتي هالديزاين حاولي يكون جاي على طول اكثر يعني بشكل مستطيل احلى من العرض وتكون له مقابض يد قماش اقرب طبعا اما اذا عجبك كذا لامشكله بس حلو الستايلات مختلفه عن الكنبات المزدوجه يكون افضل


او هذا الستايل بااستبدال الأهداب طبعا بالذهبي اذا حبيتي او زيتي على حسب اهداب الستاره




او حركه ستايل ثاني من الأهداب وبوجود الخشب تكوني خدمتي فكرتين



وبالنسبه للطاولات الجانبيه هي بدل الطاولات اللي كنتي بتحطينهم بين الكنبات الطويله لأنهم بيكونون بينهم يعني كنبه طويله بعدين زاويه الكرسيين وبعدين كنب طويل ثم كرسيين وبعده كرسي طويل واللون طبعا بني بس خليهم بشكل هندسي يعني غير المربع



اذا ماحصلتي نفس اللون في الأناره بالنسبه للكفر تقدري تعملي على نفس اللون تفصيل عادي بس تعطينه ديزاين وحجم الكفر اذا ماحصلتي اما لكميه الأناره الجداريه على حسب المساحه اللي عندك اذا كبيره اوصغيره كل مساحه لها استيعاب محدد

وفي فكره ثانيه بدل الأناره الجداريه فيه المناظر خذي مناظر حلوه وفخمه واشتري لها الأنارات الخاصه للمناظر الي تكون فوقها وباطارات فخمه وواضحه تكون فكره كمان اذا احترتي في الأناره او حتى ممكن تخلي الكفرات كلهم بالذهبي الهادي الفخم يكون Ok

اما الستاير بالنسبه للونها مااتوقع في لون افضله عن الزيتي لأن الستاير لازم تكون بنفس لون الكنب لأنه مجلس وحلو تشوفين الأنسجام بين الأثاث والستاير خصوصا في الألوان هذي اللي تكون صعبه تدخلين الوان ثانيه عليها وعزيزتي انت بعد ممكن تعملي اللي حابته بس انا اعطيك رايي وانت براحتك

شوفي معي هالكولكشن توضيح لكلامي(طبعا انت شوفي الستايلات والأفكار)




وشوفي هالفكره تناسب فكره الأهداب في الأثاث(لاحظي السجاده كيف فكره الفروحلوه)



وهذي فكره متواجده كثير في أسواقنا


ةهذي فكره طاوله من فرو او شعر بالمره حلوه مع سجاده فرو


وهذي ممكن تضعيها كثنتين جنب بعض كتناسب مع فكره الأهداب في الأثاث في كورنر



هذي كم فكره وممكن بكل سهوله تنفذيها اذا ماحصلتيها
بكمل معك ان شاء الله باقي الصور لما تتكون عندي كولكشن

بالتوفيق غاليتي

الحين فهمت عليك وراح ارجع اقرا الموضوع من اوله


بس لدي استفسار بسيط واعذريني لكثرة اسئلتي لك :(


الحين كنب المجلس يحتوي على اربع قطع المعروفة ( كنبة 3 اشخاص وكنبة 2 شخصين وكرسيين .. )


الحين هو يقول راح اسوي كنبة وحدة بس زيادة لشخصين عشان تصير مقابلة للكنبة الأخرى



يعني الكنبة الكبيرة بتصير بالواجهة وبعدين الكنبة لشخصين ومقابلها كنبة لشخصين وبعدها الكرسي ومقابله الكرسي



يعني صارت الكنبة الزيادة لشخصين هي اللي بتكون بلون سادة مخمل زيتي ...

وبقية الكنب باللونين الزيتي مع الذهبي الأساس

تتوقيعن كذا المجلس بيكون حلوو ؟؟



او اضغط عليه عشان يعمل كمان كرسيين باللون السادة الزيتي عشان يصير في توزان بالألوان ؟؟ وش رايك ؟؟


وبغيت اسئلك المدفاة اللي تجي كديكور تصلح بالمجلس ؟؟ او فقط خاصة بالصواليين ؟؟

الله يرضى عليك ويوفقك يارب