لوي يتيمه يايبه؟؟

هذه قصيده اعجبتني ولااعرف من كاتبها ..
ولكن احتفظ بها من زمن..
وأسأل الله ان يجزى والدي خير الجزاء..
وإليكم القصيده..

ياضيقة بالنفس عيت بي تروف
وياقصة الأحزان روحي وولي
هو ما كفاك إني حزينه ولاأشوف
غير السواد اللي مثل لون ظلي
عقب الأبو يادنيتي وشو الخوف
ويادنيتي عقب الأبو وش يسلي؟؟
كان الفرح وأضحى على قلبي طيوف
وكان الأمل وامسى سواد مغلي
وش حيلتي لاصارت القوة ظروف
وياوالدي وش حيلتي هاه..قلي!!؟
ماينفع العميان لاقال ما أشوف
ولاتنفع البسمه وانا حزن كلي
لوي يتيمه يايبه مامن خلوف
المشكله ""حي"" وقلبك مولي
كانك لقيت اللي يسليك بحروف
بختك لقيت ضيم عذابه يذلي
صارت دموعي بالمحاجر لي وقوف
ويضيق صدري لاذكرتك تهلي
الكل متحريك ومركز الشوف
نرجي متى زولك علينا يحلي
ولاشفت دمعات الحزن في وجه"نوف"
ودي يشيلني خالقي من محلي
ليتك بعثت بغيبتك كم مظروف
يمكن تهون في جروح مضن لي
إبعث تكلم جاوب "الفوز" بحروف
ترى كلامك لو غلط جايز لي
ياضحكتك أجراسها داخل الجوف
وياريحتك دخانها باقي لي
يابوي ماهمني ملابس ونفنوف
ولاني من اللي قال يازين خلي
كتبت انا الابيات والقلب مطروف
ولاني بشاعره بس هذا حصلي
ادعيك ياللي ترحم الكبار والضعوف
ترحم حزين صار دمعه يهلي