لو أنتن مكاني توافقن عليه ولا لا؟؟

السلام عليكم ورحمة الله وبركاته

اشحالكن خواتي؟؟ عساكن طيبات وعيدكن امبارك مقدما. .

أنا أختكم ووحده موجوده بينكم وعضوه جديمه بس فضلت أدخل باسم يديد نظرا لحساسية الموقف بالنسبه لي فأتمنى أنكم تساعدوني وتشورون علي . . عسى الله يفرج هم كل وحده

خواتي:

أنا عمري 30 سنه وداخله في 31 . .
الله رزقني أهل متشددين شوي من ناحية العادات والتقاليد صح الوالد حافظ القرآن ويعرف الله لكن يوصل عند القبايل والأصول ويحط ألف عذر وعذر. .

تقدمولي وايد ما عيب أبوي واحد منهم . . وكل واحد طلع فيه عيب شكل. . هذا ما نعرف أصله وفصله. . هذا مب من قبيله..... هذا من مدينه بعيده عنا ووووو

لحد ما انا نفسي عافت طاري الزواج كله . . وصرت اخاف وحده من ربيعاتي تكلمني في مثل هالمواضيع وانحرج منها واحرجها لو حد كان من طرفها ورفضه ابوي وبدون سبب يذكر. .

طبعا اخواني الأكارم خذوا من الوالد نفس الطبع. . والوالده وأختي الكبيره الي ما يهمها غير تعايرني أنا وخواتي ....والله المستعان وأنا صابره وموكله أمري لله وحاسه برضا عجيييييييييب خاصه الفتره الأخيره وأعرف انه الله سبحانه مقدرلي الي في صالحي..


من كم أسبوع وحده من ربيعاتي تكلمني عن ربيع خالها وأنه شخص ملتزم ويدور ع بنت تربي عياله تربيه صالحه. . ويباها ملتزمه والحمد لله أنا ما بمدح نفسي ولكني ان شاء الله كذلك... بتقولون ززززززززين بقولكم اصبروا
الريال هذا ملتزم لكن : 1- عمره 25 سنه أو 24 ونص
2- متزوج .
3- عيمي مع اعتذاري للجميع وهذا مب عيب بس انا اقولكم عسب تتوقعون ردت فعل أهلي. .
مستعد يوفرلي بيت بروحي في المستقبل وقاعد ايجهز من الحين والكل يشكر فيه وفي أخلاقه ...

أنا استخير من كم يوم وشعوري لا موافقه ولا رافضه. .
وحابه اسألكم وأستشيركم شرايكم يا بنات؟؟

فرق السن أكثر ما يؤرقني يا خواتي مع أنه هو الي مصرررررر يباها أكبر منه وقال لو 40 أباها

وأنا ما أرفض المتزوج لأنه هذا شرع الله وهو له أسبابه في الزواج من ثانيه

أتمنى ما تقصرون معاي وتوقفون معاي انتن خواتي ولجات لكم بعد الله

عسى الله يفرج هم كل وحده ترد علي. . ويوفق كل من لها غايه في خير يا رب العالمين

والسموحه طولت عليكم بس لازم التفصيل