لو أنتي مكاني وبنفس وضعي وش بتسوين؟؟

السلام عليكم
ماندم من استشار
بنات تكفووون ابي فزعتكم بالرااي
باختصر لكم قصتي بقد ماقدر
انا تزوجت من 4 سنوات بواحد مايقرب لنا ومشكلتي بدت من اخذته يعني من اول يوم وانا كارهه القعده معاه وماني طايقته بس اغصب نفسي على القعده معاه واحاول اجامل نفسي واهلي عشان مانكد عليهم
وكتب ربي وحملت من بعد زواجي ب3 شهور وكنت كارهه لحملي ومابي اجيب منه عيال وكنت طيلة فترة حملي 9 شهور وانا عند اهلي لان زاد الكره وعدم التقبل بس كنت اقول هذا وحم وبيروح بعد الولاده وولدت الحمدلله وجاني صبي
المهم اني مازلت على وضعي وكرهي له لدرجة انو لاجا بيقعد معي حمت كبدي منه واقوم واحاول اشغل نفسي باي شي عشان بس مايقول لي كلام حلو لاني من كرهي له ماعاد احب اسمع منه أي كلمه حلوه
والله هالشي غصب عني مو بيدي لكن برضو اصبر نفسي واقول عشاني وعشان ولدي وعشان اهله يبوني ومتمسكين فيني مع العلم ان ولدي الان عمره 3 سنوات وهو ولا داري عنه ولا عن مصروفه ولا اكله ولا شربه حتى ولدي صار ماعاد يبغاه لان اهلي اللي ربوه وهو مايسأل فيه
من ناحية اخرى انا تعبت من كثر ماجامل على حساب نفسي يعني اهلي يقولون لي اصبري وتحملي عشان نفسك وعشان ماتنضرين بعدين وانا حاسه اني بنفجر معه
وفوق هذا كله مافي يوم من الايام سألني ليش انا كذا وليه ماني متقبلته او أي سؤال
احسه بارد ولا هامه شي وطبعا هو من النوع اللي على نياته بالعاميه طيبته سبب خيبته
وفوق هذا بعد معتمد علي في امور البيت ومب داري عن أي شي وانا اللي اصرف وادفع يعني هو مجرد ديكور وبس حتى اجار البيت اخوي اللي دفعه بس علشان نستمر انا وياه مع بعض
يابنات بالعربي حاسه اني مو مع رجال شخصيته مره ضعيفه ومعتمد علي بكل شي وعلى اهلي حتى يعني أي شي يصير يقولي شاوري اهلك ماالقى عنده الراي ولا اسلوب للنقاش
مع العلم ايضا اني من العام وانا عند اهلي ورجعت له من شهر بس عشان اخواني قالو لي جربي هالمره علشانا وفعلا رجعت بس ماتغير شي لامن جهتي ولا من جهته جسمي يرفضه
تعبت بصراحه واحس انو مو فاهمني ابدا يعني انا بوادي وهو بوادي ثاني خايفه اني استمر معاه واجيب طفل ثاني وانا ماستقريت معاه
يابنااااااااات تكفووون طالبتكم طلبه ابي نصيحتكم
انا بين نارين نار العيشه معاه ونار الطلاق
انتي لو بمكاني وش بتسويين؟؟
ابي ردودكم صريحه طلبه انا الان متوتره وماني قادره اتخذ قرار صح
اللي بينصحني بدعيله من كل قلبي وربي