لو إنت نحيفة وعندك إستعداد تزيدي 4 كيلو في الأسبوع إدخلي

السلام عليكم ورحمة الله وبركاته ...عندي نظام غذائي أخذته من دكتورة تغذيه بيثمن في الأسبوع 4 كيلو أنا وزني 45 كيلو وطولي 165 سم ونفسي حد يشجعني أطبق النظام ده ....عشان أنا مشكلتي إني مش بحب الأكل خالص وفاتح الشهية مش بيعمل معايا حاجة ..يعني زي عدمه :44: وخصوصا إني عندي إلتهاب في المعده بعالجه بقالي سنتين ..المهم روحت لدكتورة نحافة وإتعرفت في العيادة علي بنتين وإتفقنا نشجع بعض ونتنافس عشان نلاقي نتيجة ...وكل وحده حطت قدام عنيها الحافذ الخاص بيها إلي يشجعها علي النجاح وتحقيق حلمها ...فيهم واحده كان الحافز بتاعها إن خطيبها كل شوية يستفزها ويقولها فلانه جسمها جميل عاجبني وخصوصا إن الإنسانة إلي كان بيستفزها بيها كانت أصلا علي خلاف بين زميلتي دي إلي إتعرفت عليها في العياده وكانو بيغيروا من بعض ...فتخيلو بقي لما خطيبها يجرحها بكلامه ليها وهي أصلا بتكرهها ...والتانية كانت عايزه تسمن عشان مفيش لبس بيليق عليها خالص ومبتعرفش تلبس علي الموضة بسبب الموضوع ده ...وفي الأخر أنا عايزة وزني يزيد عشان كل الحاجات دي وكمان عشان وزني كده مش مناسب لطولي ...المهم أخذنا النظام ده والمفروض كنا نطبقه ونروح نتابع مع الدكتورة كل أسبوع ونتوزن عشان نشوف النتيجة ...بالنسبة ليا كان الموضوع صعب أوي أوي أوي عشان زي ما قولتلكم كان عندي إلتهاب في المعده بسببه مكونتش عايزه أكل خالص لأن الأكل كان بيتعبني خالص فكان بالنسبالي الراحة لمعدتي إني ماكلش خالص .ويبقي مطلوب مني إني اكل الكميات إلي الدكتوره كتبتهالي دي ...كنت في عذاب وكل شويه أرجع بس برضوا حاولت قدر الإمكان ألتزم بالنظام ...المهم لما خلص الأسبوع روحت للدكتوره لقيت نفسي زيدت كيلو ونص ..وزميلتي إلي كانت عايزة تزيد عشان الملابس تليق عليها زادت 2كيلو ونص ..والصدمة إن إلي كانت عايزة تزيد عشان خطيبها زادت 4 كيلو ..الدكتورة غضبت مني أنا والبنت إلي زادت 2كيلو ونص وزعقتلنا وبهدلتنا وقالت لنا الطبيعي إن النظام ده يزيد الوزن 4كيلو في الأسبوع إنتو مطبقتوش النظام صح....وفعلا مكوناش طبقناه صح ....حروح أتغدي وأرجع أكتبلكم النظام ....راجعالكم إن شاء الله ...