السلام عليكم ورحمة الله وبركاته
اخواتي عندي اشياء بافضفض لكم فيها هي ماتعتبر مشكلة والحمدلله لكن من باب الفضفضة واخذ اراءكم وشوركم علي
السالفة اني ساكنة بشقة بعمارة يملكها ابو زوجي واعطى كل واحد من عياله شقة وهو له شقة
المهم ابو زوجي ارمل يعني عمتي متوفية الله يرحمها وهو ماتزوج للحين هو بلير بالسن شوي لكنه قايم بنفسه الله يبارك فيه
وهو مو ساكن بشقته لان عنده بيتهم القديم مو راضي يطلع منه وبالرغم ان اولاده ليل ونهار يحاولون فيه يجي يسكن بشقته جنبهم بس هو للأسف مو راضي
المهم بعد محاولات لمدة سنتين وافق بس شرط يبغا شقتي انا
كلم بنته وهي قالت لزوجي انه بياخذ شقتنا واحنا ناخذ شقته
زوجي وافق وكلنا فرحنا انه بيسكن جنبنا يصير عياله يهتمون فيه ويخدمونه
اللي بقوله ولا وحدة تجي تفسر كلامي خطأ تكفون😢
شقتي تعودت عليها وضبطتها وتعبت فيها وقدامها سطح كل يوم اطلع العصرية انا وزوجي ونتقهوى وزارعين فيه وهي اكبر من شقة ابوهم بفارق غرفة وممر يعني شقة ابوهم اصغر من شقتي
الشيطان اعوذ بالله منه يوسوس لي اني راح احس بالضيق فيها وافقد كثير اشياء
وشقته يبغالها اهتمام وشغل
دايما اتعوذ بالله من الشيطان واقول لعل الله يعوضنا خير طالما سوينا شي فيه بر لابو زوجي وكل شي نسويه له من خير راح نلاقيه باذن الله في عيالنا
اللي ابغاه منكم تحط نفسها بمكاني كيف حتتصرف وساعدوني برايكم كيف اقدر اتأقلم مع وضعي الجديد واقتراحاتكم في طريقة السكن في شقة صغيرة للي جربت هالوضع الله يجزيكم خير ويعيننا اجمعين
ولا ابيح ولا اسامح اللي تسرق الموضوع للانستقرام او لمنتدى آخر بادعي عليها الله لايجعلها تذوق السعادة
اللهم صلّ وسلم على سيدنا ونبينا محم
يلزم عليك تسجيل الدخول أولًا لكتابة تعليق.
شواقه وروحي مشتاقه
•
الله يعوضك ياقلبي انا اقوال اذا حابه تروين سحطك سوي قهوه وحلا وروحي انتي وزوجك عند ابو زوجك بالسطح وخلي عيالك يلعبون اكيد بي يستانس جدهم عليهم
حبيبتي مثل ماقلتي.. دامك تنازلتي عن الشقه له بيعوضك الله خير كثيير واسألي مجربه.. وتذكري انك تتعبين بتربية عيالك ويروح شبابك كلها بخدمتهم.. بكرا لاصرتي كبر ابو زوجك تبينهم يخدمونك ويبرونك ويكونون حولك وماتبينهم يكسرون خاطرك عشان خاطر زوجاتهم .. الله يجزاك خير ع مشاعرك تجاه ابو زوجك وصدقيني بيعوضك الله🌹
الله يعوضك ياقلبي انا اقوال اذا حابه تروين سحطك سوي قهوه وحلا وروحي انتي وزوجك عند ابو زوجك بالسطح وخلي عيالك يلعبون اكيد بي يستانس جدهم عليهمالله يعوضك ياقلبي انا اقوال اذا حابه تروين سحطك سوي قهوه وحلا وروحي انتي وزوجك عند ابو زوجك...
امين ياقلبي الله يجزيك خير
فكرتك حلوة الله يسعدك🌹
فكرتك حلوة الله يسعدك🌹
حبيبتي مثل ماقلتي.. دامك تنازلتي عن الشقه له بيعوضك الله خير كثيير واسألي مجربه.. وتذكري انك تتعبين بتربية عيالك ويروح شبابك كلها بخدمتهم.. بكرا لاصرتي كبر ابو زوجك تبينهم يخدمونك ويبرونك ويكونون حولك وماتبينهم يكسرون خاطرك عشان خاطر زوجاتهم .. الله يجزاك خير ع مشاعرك تجاه ابو زوجك وصدقيني بيعوضك الله🌹حبيبتي مثل ماقلتي.. دامك تنازلتي عن الشقه له بيعوضك الله خير كثيير واسألي مجربه.. وتذكري انك...
والله ادمعت عيوني يوم قريت كلامك
الله يكتب لك الاجر حبيبتي🌹
الله يكتب لك الاجر حبيبتي🌹
الصفحة الأخيرة