لو اشتد النقاش ومد يده

كل رجل وله اعتقادات وقناعات غير عن الثاني
وكل رجل وله مفتاحه
اكيد مدت اليد مااسمح بها لو حصلت لاسمح الله
لكن يختي انتي كبرتيها وهي صغيره التفاهم مايجي بالصراخ ومين صوته اعلى
وبعدين انه حط يده على فمك ماتعتبر مدة يد
عادي حركه عفويه عشان تصحين لنفسك وتهدين من صوتك وتخزين الشيطان
واكيد صوتك طلع للجيران ولا الشارع ولازم يسكتك لانك حرمته وبلعلعة الصوت بتفضحينه


مالها اي داعي تجمعين عليه خلق الله عشان حط يده على فمك
ولا له داعي النقاش والجدال قدام الاطفال
الضرب يختي معروف يكون موجع ويعور ويذل ويكسر النفس


لكن الله يسعددك خليتيني ابتسم على انك اعتبرتي التسكيته ضرب

والله يا اختي بعض الرجال غلط تربين عيالك عندهم
ومن فضل الله علينا ان دواماتهم صارت طويلة وببعض الجدولة في البيت تقدرين تسيطرين على اطفالك وتربينهم وتدرسينهم وهو لسا ما وصل غير عاد جدول الرجال الغير رسمي من مشاوير لاهله واصحابه و الاستراحات والطلعات وغيره
فأتوقع انك تقدرين تتجاوزين عن بعض الامور اذا هو موجود في البيت وتشغلين نفسك عن العيال وتصرفاتهم
واذا طلع ارجعي تعاملي مع اطفالك كأم ومربية
وايضا لازم ينامون اذا هم اقل من 15 سنة قبل الساعة 9 وقولي عشان نموهم الذهني والعقلي وعشان ما يأثر على الطول عندهم
وبكذا يكون عندك يوم بجدول مناسب لك وللاطفال وله
ونظمي الوجبات والدراسة والواجبات عليهم للبيت وطلباتك منهم
واذا كان موجود خليهم براحتهم فوق راسه

مهو صاير احن على العيال من امهم مهما كان هذا شي الشي الثاني الا مدة اليد ما استسلم اخذ حقي بيدي مره زوجي بس وخر وجهي ب اصبعينه ويقولي اسكتي بس وكنا نتناقش ب السياره واجيك اخذ وضعية جلست الركب وادبجه مع كتفه وصرخت عليه والله من بعدها ما يسترجي حتى يمزح معي بضرب انقلب ثور هايج ما اتحمل مدة اليد اذا اهلنا مكرمينا ومربينا وتعبانين علينا واتعبناهم ما مدو ايدينهم يجي ولد الناس اللي تخدمينه وتخدمسن عياله وقايمه بحقوقه يمد يده تبن بوجه

بالنسبة لي ما أرضى أبداً بالضرب
الشيء الثاني مافيه شي اسمه يعيش الأطفال على كيفهم.. أنا أمهم ولازم يسمعوا كلامي ولازم الأب ينتبه لهذا الشيء ويعين أطفاله على طاعة أمهم..


أنا كذا مفهمه زوجي .. إذا رفضت شيء لولدي مايسويه له.. وإذا طلب ولدي شيء من أبوه لازم يستأذن الولد مني أول..

نصيحة من أخت
من ناحية النقاش اذا احتد و عَصّب الريال اسكتي لا تتكلمين ولا تدافعين عن نفسج خليه لين يهدأ و عادي يمر يوم بعدين كلميه بالموضوع من باب السوالف أو الاستشاراه الريال اذا عَصّب و انتي عصبتي عليه وصراخ ترى تطلع من افعال لاإراديه و يتحسف عليها انتي لا تصويل الريال الى هاذي المرحله

من ناحية التربية
زوجي ما يرضى على عياله بس انا مسيطره على الأمور لما يطلع من البيت أعاقب أحاسب و اقنع زوجي ان العيال صار في تمادي منهم و اشتكي من تماديهم ولا اذكر السبب أخليه يفكر بحل و مافي ريال يحب عياله يكونون غير مأدبين