لو انتو بوضعي وش تسوون ؟؟؟

السلام عليكم ورحمة الله وبركاته




كيفكم ان شاء الله بخير




بتكلم بالموضوع بدون مقدمات وحوسه




انا يا اخواتي قدر الله علينا وزوجي جاته اصابه وشلل نصفي والحين هو متقاعد

احنا في بيت ايجار وعندي سايق ندفع راتبه وعندنا بنتين الله يحفظهم وعندي رسوم الجامعه كل ترم ادفع 3 الاف ريال وغير مصاريف البيت والفواتير والقروض وقسط السياره وووالخ




المهم اني وضعنا بعد ماكنا في نعمه ودلع انقلب حالنا وصرنا في ضائقه ماليه الحمدلله احسن من غيرنا نسدد ديوننا اول بأول وندفع كل مصاريفنا ولله الحمد لاكن باقي الامور من طلعات ومطاعم وتماشي و ملاهي للاطفال هذه صعبه علينا شوي يعني مره ف الشهر او الشهرين نسويها




انا ابي اتوظف لاكن مشكلتي بناتي وين اخليهم ابوهم مايقدر عليهم وخصوصا انهم الثنتين في سن صغير لسا مادخلو المدرسه يعني لو بتوظف لازم لهم حضانه وصعب اشتغل عشان احطهم بحضانه كذا الراتب كله بيروح للحضانه وظيفتي مالها داعي




اهلي بعيدين عني واهل زوجي قريبين لاكن مستحيل يمسكون بناتي مع العلم ان بناتي ماشاء الله هادئين لاهم راعيات تكسير وتخريب ولا مضاربات وخجولين جدا يعني مو متعبين عند النا الحمدلله .. قررت ادور وظيفه لمن يدخلون هم المدرسه على الاقل انرحم من رسوم الحضانه ويتوفر راتبي




قررت الحين اشتغل من البيت واكسب رزقي لاكن مافبالي شي ابدا مادري وش اسوي وش ابيع

حبيت اوضح لكم وضعي عشان مابي وحده تقول توظفي ودوري وظيفه انا ودي لاكن وضعي مايسمح

ياليت تقترحون علي وتساعدوني بأفكاركم ولا تبخلون علي