لو انتو مكاني شو تختارون ...الزوج أم الوظيــفه

مرحبا بنات حواء,

اشلونكم ان شاء الله بخيـــر

بدخل بالموضووع على طوول , أنا مطلقه و عندي بنتيــن ثوأم الله يحفظهم لي عايشين مع أهلي

أشتغل بدوله ثانيه وظيــفه كنت أحلم فيها من سنين صار لي الحين سنه في وضيفتي و راتبي ممتاز و كل شهر أروح اجازه عند أهلي لأني أشتغل في شركة طيران..

المهم تعرفت على واحد في أول الأربعيــن مطلق هو بعد من 13 سنه,

المهم هو يبي يتزوجني و قال ما عنده مانع نجيــب بناتي و يعيشو معنا مع ابنه عمره 15 سنه

أنا حبيته و حسيـت ان هو الشخص اللي يسعدني , صارت له شوية مشاكل وابتعد عني شوي

وأسأل عنه و ما يجاوب , يقول مضايق و طلع من بيت أهله وأبوه يبي يزوجه بنت عمه غصب و هو ما يبي و يبيني أنا.

ويقول أن أبوه له سلطه بالبلد و وقف كل حساباته الشخصيه عشان يجبره يسوي اللي يبي.


هو طيب و زيــن بس أحس انه أناني مدري ليــه, يعني لما أكون محتاجه اني أكلمه وأقوله اني زعلانه منك لأنك ما ترد علي و أسأل عن أخباره ... يخليني بالأيام ما يسال عني, و يرجع بعديــن يبعث لي خواطر أو شعر عادي كأني ما كنت أسأل و ابي رد منه و اذا بعده يبيني او لا , يقول انتي مجنونه و انا اريدك وبعدها يرجع يختفي مرة ثانيه يعني أسبوع و يرجع يرد علي بس يقول مضايق.

صار لنا الحيــن 3 شهور على هالحال, وما ادري أستناه أو لا.

طبعا اذا بتزوجه لازم أطلع من الوظيــفه اللي أنا أحبها بس هي بنفس الوقت متعبه.

ولازم أجلس في البيت أجيــب عياال , بس أقول مو مشكله لو اني أحبه و هو يحبني.

كل اللي يعرفوني يقولون لا تفرطيــن فالوظيــفه هي أعز لك, وانتي عندك عيال اش تبين بالزوااج ثاني ووو

أنا بصراحه محتاره أبي أتزوج و أستقر , و بنفس الوقت خايفه , انه ما يطلع مثل ما أنا متوقعه و بعد الزواج أنصدم فيه و أندم , وأخاف اهله يتمون مسيطريــن عليه والصراحه بس أبوه لأنه يقول ما علي من حد و اللي أبيه بسويه, يعني حتى لو رفضو انه يتزوجني مع اني ما أنعاب و أنا اللي اهلي متخويــفين من هالزواج بعد.

اسفه لأني طولت عليــكم

بس انتو شو رايكم أستناه او لا و اذا طلب يدي أتزوجه او لا

بصراحه أنا صليت صلاة استخاره بعد ما شفته اول مره وهي اول و اخر مره لحيــن

اني شريــت حذاء جديد كان بوت عالي فيه قطن لونه بيج و كنت اقول ابرجعه مو مقاسي, و مرت اخوي تقول انتي بس جربيه يمكن يكون قدك قلت أوكي ولما لبسته حسيت انه مقاسي و استغربت ليش كنت ابي ارجعه, بس بعدها حسيت بشي بالقدم اليسار ولما شليت الحذاء لقيت فيه من داخل مسمار طويل و شلته بيدي المسمار, واقول كيف هالمسمار كله كان فهالحذاء بالطول يعني.


ادعو لي يا بنات أرجووكم ان الله يحقق اللي فبالي , ويزوج و يستر كل بنت تبي تستر نفسها

ويغنينا بحلاله عن حرامه

:26: