لو انتى مكاني هل تتطلقين

السلام عليكم ورحمه الله وبركاته
انا متزوجه من تسع سنين وزوجى من اول ما تزوجته وهو يقول ظروفه الماديه صعبه جلست عند اهلي سنه ونصف قلت علشان تتعدل ظروفه وبعدها بعد مشاجره معاه استاجر لي شقه في المدينه الي يشتغل هو فيها ومكان حاط اثاث الا بس غرفه النوم والمطبخ جايب الفرن واخذت من عند امى مواعين قديمه وطراحتين وفرش قلت نجلس عليها الين تتعدل الظروف وكل شهر نجيب شي واهلي ماقالو له اي شي ولا تدخلو ولا جبروه وبعد ما اثثنا تقريبا لنا سنه كل شويه نجيب شي بعدها تجمع الاجار وماقدر زوجى يدفع مع ان راتبه حلو بس هو من النوع الي ما يحب يدفع باصح العباره يعالج دين بدين المهم طلعنا شقه ثانيه واخذ دين علشان يدفع اجار ست شهور ونقلت بعفشي القديم وجالسنا فتره الامور ماشيه تمام بعدها توفت بنتى وقلت ماقدر اجلس في البيت واصلن الشقه ماهو جالس يدفع اجارها واكتشف انه ماخر اجار سنه وراعى البيت بيطردنا جلست عند اهلى فتره العزاء وكلمته قلت له ابي اطلع شقه ثانيه نفسيتى ما تتحمل ارجع اسكن في هذا البيت هو قال براحتك راح باع العفش كله الا مواعين المطبخ وبعض الاغراض بعد العزاء بشهرين قلت له باجي معاك قال مافيه الا شقه مفروشه ورحت معاه وقلت يالله خلنا ندور لنا بيت وكل يوم هو يصرف الموضوع انه مشغول ما يمديه قلت له طيب سلمت الشقه قال لى لا قلت طيب ابي اغراض المطبخ ابي اطبخ لي لقمه اكلها وابي اعيش مثلي مثل غيري قال ايش المواعين الي تبينها انا اجيبها لك وقلت له المهم راح جاب لي اغراض انا ماطلبتها ومراح استفيد منها قلت له هذولا مابغاها خلنى انا اروح اطلع الي ابيها ما ودانى طلبته ثلاث مرات وازعل عليه ويعرف انى زعلانه ويجى يقول لي زعلتى ويجلس يضحك واقول له متى نطلع شقه وناثث ترى رمضان قريب قال لي طيب ماعندي فلوس قلت له انت لانت راضي تجيب لي اغراضى ولانت راضي تستاجر لي بيت ومسكنى في شقه مفروشه غرفه وصاله ومطبخ في الصاله ايش هذي العيشه وتشكتى انه ماعندك لكن باكلم ابوي يشوف لك صرفه يالله ودنى عند اهلى والحين انا عند اهلى وجلس معاه ابوي قال له جيب لبنتى شقه واثثها والا طلقها دامك مانت قادر تصرف عليها لان زوجى حسابته في البنك موقفه بسبب كثره الديون يعنى ماينزل له الا ربع الراتب ويقدر يفك حسابه اذا سدد الدين الى عليه بس هو لا هو جالس يسدد الدين الي عليه ولاهو جالس يفكر في مخرج حتى من ظمن ان اموره موقفه عياله ماضمهم بكرت العائله ولا طلع لهم شهاده ميلاد بسبب عليه ايقاف خدمات بسبب الديون بالله عليكم الى في مكانى ايش تسوى تقدر تعيش مع انسان مثل كذا. والا الطلاق ارحم