لو انتي بمكانها شنو موقفج؟؟ ابي حماااااااااااااس لأن على اساسه تنحط النقط على الحروف

بنات بقولكم قصة وحدة واقعية طيب وابي كل وحدة تقولي لو هي بمكانها شنو راح تتصرف؟؟

وحدة متزوجة زوجها له علاقة بوحدة من سنوات يعني يعرف هالوحدة من قبل يتزوج المهم واستمرت علاقته بهذي البنت حتى بعد زواجه ..البنت تحبه حب جنوني وهو كذلك لدرجة تركها فترة ورجع لها ماقدر وكانوا على نية زواج بس حالة الظروف بينهم حسبي الله ونعم الوكيل على من حال بينهم...

المهم الزبدة زوجته كشفته وهو اعترف لها ومع ذلك مستمر بعلاقته بهذي البنت وكل مرة تكشفه يعني مايمر يومين ثلاث الا وهي ماسكة عليه شي واضح يعني مو مجرد شك .. وتصير مشكلة المهم ان الحياة صارت كله شك وعدم استقرار... اخر مرة وهو كان يتكلم مع هذي البنت
بالماسنجر وكان يسب زوجته بسوالفه مع البنت اللي يحبها.. البنت ماتعلق اذا انتقدزوجته او جاب سيرتها هو بس اللي
يتكلم عليها لأنه مو مرتاح معها ابد وامه حالفة عليه انه لو طلقها ماراح تسعى له بالزواج مرة ثانية
وعلى شان جذا متحمل زواجه والمعاناة اللي هو فيه ... المهم كانت المحادثة محفوظة وهو مادرى ان المحادثة محفوظة او انه درى ونسى يمسحها... مدري شلون وقرت الزوجة المحادثة وطلبت الطلاق... هو على حاول يرقع الموضوع وهي بين وبين ...
المهم طبعاً هي علمت اهلها بالمشكلة اول مادرت انه على علاقة مع وحدة.....

سؤالي لو كنتي بمكان هذي الزوجة شنو موقفج؟؟ هل المسألة فيها كرامة ؟؟ وتحسين ان هذا الزوج مايبيج بس باسلوب وبهدوء... والا شنو..؟؟
هل تقبلين على نفسج انج تستمرين مع شخص هان كرامتج... اكثر من مرة ... والمشكلة انه مع
بنت وحدة لو كان اكثر من بنت يمكن نقول انه والله يلعب بس مع بنت وحدة ومن سنين هو وياها يعني بينهم حب قوي بس الظروف كانت اقوى منهم وقطعها وبعدين رجع لها ..والبنت في حال مايعلم فيها الا الله...
ترضين تعيشين مع واحد قلبه مو لك والحياة مجرد روتين واسم متزوجة... يعني على قولتهم تقولين :
( ظل رجل ولا ظل حيطة) والا تطلبين الانفصال حتى لومهما كانت المبررات والاعذار اللي يقولها عشان يرقع السالفة؟؟ ..وهل تتراجعين عن موقفج من الطلاق بعد ماعلمج شنو يقصد بالسب اللي اللي سبج فيه جدام هذي البنت اللي يحبها؟؟.. مع انه كرر نفس الغلط من بداية الزواج ومستمر فيه او انج تصرين على موقفج وهو طلب الانفصال حفاظ على كرامتج ..
هل تعتبرين انه يبيج ويحبج فعلاً او انه مايبيج بس بأسلوب..؟؟ شنو تفهمين مشاعره تجاهج شلون تحللينها..
ولاتنسين انه اعترف لج من البداية بعلاقته القديمة وانتي اكثر من مرة كشفتيه وبأدلة ثابتة عليه ..
ابي ارائكم كل وحدة تتخيل انها هذي الزوجة؟؟؟ وتقولي شنو ردة فعلها...

ابي حماس وتفاعل ........ واسفة اذا طولت عليكم......