لو انتي بمكاني اش بتكون ردة فعلك

السلام عليكم ..كيفكم بنات مررره اشتقت لكم
من زمان مادخلت وكتبت موضوع لضروف الله اعلم بها
المهم بدخل بسالفتي..
سالفه انو احنا عندنا عاده واتوقع انه كثير ناس عندهم هذا العاده
الي هي انو اذ احد من قرايبك عنده مناسبه وحظرتي هذا المناسبه لازم تجيبي معك هديه واذ ماقدرتي تشتري هديه تعطي فلوس بحدود ١٠٠ ريال يعني لازم تاخذي شي في يدك وتعطي صاحبة المناسبه ..واذ صاحبة المناسبه كانت ام زوج او اخت زوجي عندنا افضل انو نعطيها فلوس بدل الهديه..طبعا هذا العاده عندنا من زمان ونعتبرها زي المساعده لهل المناسبه ..لان اذ جات عندنا مناسبه يرجعوا لنا زي مانعطيهم ..فهمتو على...
تمام ..
المهم سالفه انو انا دايم ماتصير مناسبه عند اهل زوجي الا واعطي ام زوجي ٢٠٠ ريال في يدها ..وزجي احيان يرفض يقول انا بعطي امي بس انا اقوله لا ماهي حلوه في حقي ماعطي امك لازم امد لها ب٢٠٠ ..فصار زوجي اي مناسبه عند امه يعطني٢٠٠ ..واحيان ٥٠٠ ع حسب الضروف ....تمام .
.بس الي لاحظتها ان ام زوجي ساحبه على اي مناسبه عندي ماتعطيني بس تعطي اذ كانت المناسبه لاحد من سلفاتي او احد من بناتها ..تعطيهم اذ عندهم مناسبه من ٢٠٠ وتعطي الناس وتعطي كل حريم الجماعه بس انا مدري ليه ساحبه على ..انا ماكتبت هنا عشان تقولون ليش تعطينها وبعدين تكتبين هنا ا تستاهلين لا ..انا والله العظيم كنت اعطيها بحكم انها ام زوجي ومو حلوه بحقي اني ما اعطيها هديه بمناسبتها بس يوم اشوفها تعبر كل الناس وتوجبهم بمناسبتهم وانا لا ..مع اني مابينا اي خلاف وعلاقتنا مع بعض كلها احترام ولا عمري غلطت عليها ولا هي غلطت علي بس في شي غريب مدري ليش ماتوجبني زي سلفاتي ..
..انا كتبت عشان انا انقهرت ليش انا بذات ماتعطيني في مناسباتي .. مو سالفة فلوس واني ابغها ترجع فلوسي لا لا سالفه اني ابغى احس انها توجبني
المهم الي خلاني اكتب هنا بعد ما خلاص حسيت انو في شي انه كان عندي مناسبه ..وام زوجي ماتقدر تحظر ..تخيلو ارسلت لي ٢٠٠ قالت هذا ٢٠٠ريال اعطيها امك ..انا صراحه انصدمت انها تعطي امي وانا سحبت على...والمناسبه لي زي ماهي لامي
شي الثاني ..كمان صارت عندي مناسبه ثانيه وقت المناسبه اعطت. .بنتي ١٠٠ريال واعطت ولدي ١٠٠ ريال وانا جالسه معهم ..المهم قلت في نفسي حصل خير . يمكن حبت تفرح عيال ولدها .قمت بواجبها ضيفتها وجلست اسولف معها ولا كن شي صار
..بعدها كمان جات بيتي جات من سفر وقمت في واجبها جاء وقت الغداء قمت احظر الغداء
جاء زوجي جلس مع امه ويوم زوجي جلس معها وانا بالمطبخ ..راحت فتحت شنطتها واعطت زوجي علبة بخور ..
جاء زوجي عندي المطبخ قال هذا البخور من امي ..انا هنا صراحه انصدمت اكثر من تصرفاتها انا كنت جالسه معك مااعطتيتني شي لا فلوس ولا بخور ..اعطيتي عيالي وزوجي وانا صاحبة البيت ماكنك تشوفينا ولا كنك جايه بيتي ..
وانا والله ماتصير عندها مناسبه الا ولازم اوجبها واعطيها فلوس .....
رجاء لاحد يدخل ويقول انتي تعطينها من طيب خاطر ليش تبغينها ترجعها ..انا مو عشان ترجعها انا قهرني تصرفاتها معي ليش انا الي من بين حريم عيالها تسوي معي كذا ...
لاحد يقول ساليها
انا ما امون عليها ..كل الي بينا احترام ..بس مو لدرجة اني اسالها ليش ماتوجبني زي باقي الناس..
الحين انا مكبره الموضوع ولا فعلا في شي يقهر بلله علموني احس اني مغبونه .. تعطي سلفاتي في مناسبتهم وانا واكون موجوده اشوفها وهي تمد لهم وانا تسحب على ..مع ان كل سلفاتي ياخذون من ازواجهم ويعطونها زي ما اخذ من زوجي...يعني وضعي وضع سلفاتي واحد .