صباح الخير يا حلوات ماني بمطولة الموضوع ع طول بدخل فيه
طبعا مافيه وحدة ما تحب زوجها و تغار عليه وتحاول انها تحافظ عليه من حريم و بنات هاليوم في مواقف نتعرض لها مرة بالسوق ولا حتى ف حياتنا الاجتماعية بين هالحريم و ازواجنا في اغلب المرات ما يكون الزوج هو الغلطان لكن مصاخت البنات و الحريم و شلون تتصرفين معاها ؟؟؟؟؟؟
ابحكيلكم موقفين صارن معاي واللي عندها زي مواقفي او مشابهه تقوله لنا و تقول لنا كيف تصرفت 0
1- في مرة من المرات كنا رايحين للسوق في المول وفي بنات الله يصلحن مافي غير انهن يضحكن و يلعبن بجوالاتهن ولا هن داريات بأنفسهن وانا وزوجي كنا نمشي وكان ماسك يدي ومرينا على زحمة ف فكينا ايادي بعض عشان نجتاز الزحمة المهم بعد ما اجتزنا الزحمة رجع زوجي يكلمني وما نشوف لك الا مجموعة هالبنات وحدة منهن تلعب بجوالها ولا تشوف قدامها وطبعا مع الضحك و اللبس و المصخرة وما اشوفها الا تدعم بزوجي و تضرب صدره :mad2: هو طبعا قالها انتبهي وجلست تضحك هي و صحباتها انا كان ودي افقع عينها بس احترمت المكان اللي نحن فيه وعصبت ع زوجي و خاصمته مع انه ماله ذنب 0
2- الموقف الثاني نحن في بلد عندنا اختلاط في دواماتنا عادي يعني المهم في وحدة تشتغل عند اخوي وطلبت منه مساعدة في موضوع قام اخوي وطلب من زوجي اذا يقدر يساعدها طبعا بحكم ان موضوعها له علاقة بشغل زوجي المهم يا بنات ان زوجي ساعدها من فموضوعها هالبنت قامت ترسل لزوجي مسجات الجمعه و العيد و المناسبات يعني وانا هالبنت قد شفتها مرة وما ارتحت لها ابد سبحان الله و كثيييييير ازعجتني مسجاتها طلبت من زوجي يقولها لا ترسلين قالي و شلون ما يصير اقولها لكن انا بطنش مسجاتها ولا برد عليها وطبعا يحليله طنش بس هي اذتنا ولا وقفت قمت انا يا حلوات وخذت رقمها و قلت لها ان انا زوجة فلان ولو سمحتي لا عاد ترسلين لزوجي مسجات طبعا ما عجبها ع قولتها انا فقط ارسله بالمناسبات عشان ابغى اقولة شكرا ع مساعدته لي المهم انا جلست معاها بحوار طوووويل وطلعنا منه انها طبعا ما عجبها اعتراضي وانه انا اللي بخرب علاقتي بزوجي بسبب غيرتي الزايدة وكذا كلام فاضي وطبعا من يومها لا شفتها ولا عادت ارسلت له شي طبعا انا قلت لها ما برد عليك بشي بس بكرة تتزوجين واذا تعرضتي لهالمواقف راح تعرفين و تقدرين اعتراضي على تصرفك 0 :09:
الحين يا حلوات اجى دوركم هل صادفتو مثل هالمواقف وايش عملتي وايش رايكم بتصرفي ؟؟؟؟؟
ام ايهووومي @am_ayhooomy
عضوة نشيطة
يلزم عليك تسجيل الدخول أولًا لكتابة تعليق.
مافيه حرمه ماتغار على زوجها وتصرفك صحيح مهما كان هو رجال غريب عنها تقوله شكراً وخلاص ليش المسجات ؟!
الموقف الاول اكيد بعصب وقول بوجهها قليلت ادب بس طبعا زوجي ماله دخل اما الموقف الثاني مادري صعبه ارسلها لا كذا بقلل من قدري وبتعرف اني ماثق بزوجي وانبش وراه بس اوصيه انه يطنشها ومايرد على مسجاتها لين تمل
الصفحة الأخيرة
والموقف الثاني انا بسوي نفس تصرفك واتصل عليها ولو انك قلتي لها يكفي انه ما يرد على رسائلك يعني المفرض تفهمين الموضوع