السلام عليكم ورحمه الله وبركاته....ارجو ان يكون موضوعي في محله وارجو من الاشراف عدم حذفه,,المشكله باختصار عندي بنت دخلته اولى ابتدائي وكانت قمه في الحماس فرحانه بشكل رحت اول يوم معه ساعه والحمد لله مشت اموره لكن جيت اخذه مره من الفصل على خروجهم وقالتلي المعلمه بنتك مره حركته كثيره وتطلع برا انتي مدلعته,,,انا عيوني فوووق وانصدمت من الكلام يعني البنت ثالث يوم له بالمدرسه ولا دخلت تمهيدي ماتعرف القوانين قالت علموها قلت ابشري ان شاء الله وانا والله منبهتها انها تصير عاقله بس ياترى المدرسه له دهر تدرس بالمدرسه ماقدرت باسلوب تصيطر على البنت او تشجعه ...ثانيا بنتي تعاني من مشكله خلقيه بالاصابع (يد مالها الا الابهام والسبابه) وانا كنت ابكلم المشرفه الاجتماعيه بالخصوص وان معلمته تشجعه ولاتخلي فرصه للبنات انهم يستهزئون عليه ..صارت المشرفه ماداومت سالت قالت وحده من الاداريات وش المشكله قلتله قالت معلمتهم ممتازه وخلين اشوف واقولك بعد ساعه سالته قالت يوه بنت مره حركه وتطق على الطاوله وطلع لسانه انا صارت عيوني فوق وقالت اسمحيلي بنتك حركاته غريبه صورو بنتي كانه جايه من بيئه غير ...قلتلهم بنتي جريئه وذكيه والحمد لله الي الله عوضه بس مافيه تفهم ...طلعت واخذت بنتي وانا اقول حسبي الله ونعم الوكيل..
ارجو ممن تقرا ماكتبته ان تشور علي وش اسوي ويش اقول لهم وهل ينفع اني اشتكيهم ولمين
مقدما جزاه الله خير من ترد علي ويوفقه
ام النت @am_alnt_1
عضوة
يلزم عليك تسجيل الدخول أولًا لكتابة تعليق.
الصفحة الأخيرة
اكيد معلمتها غلطانة وبقوة والمشكلة معلمة رياض اطفال
عاد تصدقين من موضوعك حمدت الله وشكرته أنه جاتني وضيفة بمدرسة رياض اطفال ورفضته لأن تخصصي مو رياض اطفال قلت ذولا مسئوليه ويبغالهم مؤهلات مو اي وحدة
ومن خلال كلامك تأكدلي أحساسي صدق
غيري المدرسة بكبرها
ولا انقليها لفصل ثاني اذا فيه غيره