لو انتي في مكاني

هلا حبايبي بدخل فالموضوع على طول


زوجي كويس معايا الحمدلله ومو مقصر في حاجات البيت لما تزوجت انا تركت شغلي بطلبه واعطيته مبلغ حوالي 50 الف يوقف على رجوله لانه مر بضائقة على اساس يردلي هي ووضعه ماشاء اللهتحسن وكل ما اجيبله سيرة المبلغ يقلب ، المهم هو يحتاجني في شغله كثير في اشياء ادارية واشتغله كل الي يبغاه جبت في الجامعه الاولى على الدفعه ، وزوجي اساسا متزوج وقبل كذا لما توفى ابويا اللهيرحمه بكم يوم رسلتلي ضرتي رساله فكرتها تعزيني طلعت كاتبتلي كلام يحرق القلب عشان تموتني قهر بزيادة ان زوجي يقول اني معفنه ومايطيقني ولا يطيق الجماع معي واني فالبيت زي اخته ومو مخليني الا عشان اولادي وكلام كثيييييير طبعااا انا الكلام ما نقص من ثقتي بنفسي لاني جمله وفاتنه وزوجي الحمدلله يضيع قدام جمالي واناقتي بس حز فنفسي انه قال كدا عليا يوم واجهته قلي جلست تبكي وتقول انا عجوزه وبشعه وماعرفت ارفع معنوياتها واضطريت اشتم فيكي ... وصارت مشكله وخليته يحلف على المصحف انه ماعاد يسبني قدامها ابدا ولا العكس وقال انتي طالق لو سبيك عندها اواتكلمت فيكي بشي مو حلو ومر سنتين عالموضوع دا وهذي الايام احنا كويسين مع بعض وهو كويس معايا امس سمعتله مكالمه في جواله معاها ما اعرف ايش خلاني اسوي كدا بس كان نفسي اتاكد انه صادق معايا الا واسمعه يقلها سيبيكي من الغبيه هذي مامنها فايده :( انا من ساعتها ابكي وماني طايقته وجاني صداع من القهرررر دحين هو مو عندي بكرة يجيني .. اش اسوي اواجهه ولا اسسكت انا بصراحه مو طايقته ابدااااااااا انصحوني لو فمكاني ايش تسووا اعتبروني اختكم اش تنصحوني