لو انتي مكاني كيف تتصرفي ؟

السلام عليكم ورحمة الله وبركاته
مساء الخير اخواتي بنات حواء كيف اموركم ؟
اللي تتابع مواضيعي بتكون عارفه ايش قصتي مع زوجي و انه ما يعطيني مصروف وكذا ...
المهم اليوم الفجر الساعه 4 رجع من الاستراحه وكالعادة هذا وقت رجعته سوا عنده دوام او لا
لما جلس قلت له وين مصروفي من راتب قبل امس
قال ماني معطيك قلت وش مانت معطيني الى متى من يوم عرفتك ما قد عطيتني مصروف بالطيب بالغصب مانفع معك وبعدين ؟؟؟
قال رضيتي اهلا وسهلا ما رضيتي الهمي تراب مصروف ماااااعندي لو تطيرين عندي فلوس كثييييير بس مابي اعطيك بمزاجي انا!
المهم احتد النقاش لييييين ضربني ع وجهي و اقسم بالله اني جلست ساااعه و فك وجهي يوجعني مررره مره من شدة الضربه المهم اني رحت غرفه ثانيه ونمت و هو نام بغرفته و بعد ما صحى جاء يدور الزله ليش ما صحيتيني و ليش نايمه للحين وليش هذا و هذا ليش كذا اشياء سخخخخيفه مره و البنت لا تبكي عطيها جوالك قلت مو شغلللك اعطيها جوالي مااعطيها انت عطها جوالها .... و كلام سخيف ماله داعي هو كذا يبي يناااقش المهم انه يروح و يجي آخرتها جاء قال انتي ليش نفسيه كذا و كلامك اليوم عن المصروف مين اللي حرضك علي و كلام مين هذا اللي يعبي راسك قلت هذا كلامي من راسي جايبته مو من احد ولا تظلم الناس محد حرضني انا ابي زي اي وحده متزوجه لها مصروف تقدر تشتري اللي نفسها فيه و اقدر اهدي و اوجب زي الحريم و جلست أعدد له فلان كذا وفلان كذا وفلانه كذا زوجها ، قال مالي شغل ب احد انا مصروف ماااااعندي ولاني مقتنع بسالفة المصروف الشهري يقول اطلبي ابي كذا ابي المبلغ الفلاني و اعطيك اللي تبين لكن سالفة مصروف شهري لا قلت ليش عطني سبب مقنع قال الشغالات بس اللي يأخذون مبلغ شهريا قلت الشغاله احسن مني بمليون مره ع الاقل يكون بمحفظتها مبلغ لو بسيط مو انا كل اللي أملكه 10 ريال قال اسمعي ي بنت الناس اطلبي المبلغ اللي تبين لو قلتي الفين ريال بعطيك دبل بس مصروف شهري لا ثم لا المهم انقهررررررررت انا و جلست اسبه و اتكلم نسيت نفسي المهم طلع ثم جاء عقب ربع ساعه ما طول جاء كذا فجأه و يعتذر لي و يقول لولا طيبة قلبك ما جيت اعتذر لك انتي حرام اخسرك و انتي حبيبتي و انتي و انتي .......
المهم اعتذر و قال لا تواخذيني بالكلام ترا بس قرق و يقول انا والله حالياً موقفه خدماتي و و و ....
و عقبها طلع .
وش الحل اسكت و اطلب اللي ابيه مثل ما يقول
وهو الحق يقال انه اذا طلبت شي لو ايش ثمنه جابه
او اكمل زعل لين يتعدل ويطلع مصروف.