لو انت مكاني وصارلك هالمشاكل شلون تتعاملين وهل تسامحين ؟؟؟ !! تكفون بنات محتاجتلكم ..

السلام عليكم ورحمة الله وبركاته ..

بنااااااااات انا بحاول اختصر الموضوع قد مااقدر لانه مهم جدا بالنسبه لي .. ومحتاجه لارائكم ونصايحكم لي ..
امي ماعندها اخوان ولا اخوات .. جدتي سبحان الله جابت امي اول وحده والمره الثانيه كلما تحمل وتولد يموت الطفل مايطول ..
الا امي سبحان الله .. وحيدتها ..
لا عندنا خوال ولا خالات .. يعني خالات وخوال امي يصيرون خوالي وخالاتي ..
المهم ..
انا اللي ابي اتكلم عنه .. خالاتي .. او بالاخص وحده من خالاتي .. وهي اصغرهم ..

لنا معها عشره طويله اهي وبناتها .. علاقتنا كانت مره قويه معهم ننام عندهم مرات .. نسهر مع بعض .. اكثر من باقي خالاتي ..


يابنات مادري شقولكم ..

مادري شقولكم كيف كانت علاقتنا مع بعض .. كنها اخت امي حق وحقيقه ..
لكن للاسف بانت على حقيقتها .. اهي وبناتها ..

بنات وحده من قرايبنا ملتزمه وتخاف الله .. كنت بهالوقت لسا مخطوبه .. ولا بعد تحددت الملكه .. كنت على اعصابي وخايفه وكل الوقت افكر وانا مهمومه مادري ليش ..

كلمتني وقالتلي بكلمك بموضوع خاص .. اموره .. عمري بحياتي قد كذبت عليك مره وحده بس .. ؟؟ استغربت من كلامها قلت اكيد لا ..
قالتلي انا احبك .. وعشاني احبك مثل اختي .. واشوفك على نياتك انتي واهلك .. لازم اقولك .. عن كل شي

خفت صراحه شسالفه !!!!

قالتلي احذري احذري احذري من اللي حولك .. لاتعطين احد اي كلام .. صيري رسميه حتى مع قرايبك .. !!!
قلت وليش تقولين هالكلام وش صار في احد قال شي عنا مثلا .. !!
قالتلي .. ماودي انك تنصدمين .. لكن .. في ناس سامعتهم بأذني واخواتي كلهم معي وامي كذلك ومرت خالك انتي .. اذا مانتي مصدقتني .. تقريبا الكل ..

ناس قالوا عنك .. ( شوفوا ماشالله اموره رزقها برجال غني وكامل وهي راعية شباب ومغزلجيه .. !!! )

بنااااااااااااااات .. سمعت هالكلام والله انشلت رجلي وطحت على حيلي من الصدمه .. قلت وشوووووووووووووو !!!

قالتلي .. لا تساليني منو .. بس حبيت احذرك انك ماتصيرين على نياتك وتكونين طيبه مع ناس ماتستاهل طيبتك لا انتي ولا اهلك ..
قلتلها حلفتك بالله تقولين من .. !!! رفضت تقول مابي اقولك .. بغيت انهار .. قمت ابكي عندها من الروعه وش هالكلام .. !!!
كلام كبيييييييييييييير .. !! حاولت فيها ترجيتها .. ماقالتلي شي .. !!
قلت لها حطي نفسك مكاني .. وحسي فيني علميني بس من ؟؟ صدقيني ماراح اسوي شي وبحلفلك بالله .. !!!
قالتلي شوفي انتي لو مو هامتني كان قلت بكيفها وشدخلني اقولها .. لكن سمعت هالكلام وماقدرت اسكت وحبيت احذرك وتنتبهين من اللي حولك .. انا واثقه فيك واعرفك معرفة خاصه .. عشان كذا ماقدرت اسكت

انا بطريقتي لفيت بها يمين ويسار وفجأه قالت بالغلط .. !! وهي ماتدري وعرفت من .. !!
وانصدمت صدمه لدرجه ماتتخيلونها يابنات .. خالتي .. وبناتها ..:06:

صاروا هم اللي يتبلون علي ويقولون هالكلام من وراي ..

المشكله اللي كلمتني تقول من زماااااااااااااااااان وهم اصلا يحكون عنك وعن اهلك بس كنا احنا ساكتين مانبي مشاكل ... بس جا الوقت اللي اكلمك فيه يوم شفت انهم بدوا يتمادون .. قمت ابكي واتحسب .. حسبي الله ونعم الوكيل ..
كان هذا بشهر رمضان .. والله يوم سكرت قعدت ابكي لين ماقلت بس .. فرشت السجاده وقمت ابكي واتحسب عليهم يوم انهم ظلموني وتبلوا علي .. تعبت نفسيا ..

ماعلمت امي لانها لو درت امي ماتتحمل حساسه .. خفت عليها من انها تنهار .. وهي معها قلب ..
بنات ابي اختصر قد مااقدر بس اللي ابي اوصل له .. ان خالتي هاذي تبلت علي وانكشفت امام الخلق والكل عرف هالشي .. لا هي ولا بناتها ..
تخيلوا بنتها الكبيره تكلمت مره على امي وصرخت بوجهها وطاحت امي اغمى عليها .. ((امي حساسه وماتعرف تدافع عن نفسها )) .. وكان هذا بيوم ملكتي ..
بناتها بانوا على حقيقتهم .. وصاروا يطولون لسانهم .. حتى امي يقولون لها .. كلي ** >>الله يكرمكم ((الله حسبيهم يارب ))
وماتسلطوا اكثر الا يوم خلاص بتزوج ..

ويقولون كلام من وراي يروع .. اكبر مثال .. انهم قالوا عني مره قبل مااتزوج .. طبعا كلام جدتي اللي قالته مو غيرها .. تقول .. انهم قاموا مره يفتشون شنطتي وشافوا معي فلوس كثيره .. وعلموا امهم .. اللي خالتي .. قامت دقت على جدتي بكل وقاحه وقالت .. بنتك من وين جايبه الفلوس؟؟ لا هي متوظفه .. قاعده بالبيت .. ولا ابوها يعطيها .. من وين تجيب .. !!! >> شوفوا شلون وين لدرجة وصل تفكيرها حسبي الله عليها يارب ...

قصدها اني اجيبها بالحرام:06:

وغير من هالكلام ياللي تشيب الراس منه .. وزادوا زياده يوم ان الله رزقني برجال مغنيني عنهم .. يحبني واحبه .. وغني .. ويناظر خاطري .. انهاروا غيره وحسد ..

طبعا ماحضروا زواجي واحسن ولا يشرفني انهم يحضرون .. عطيناهم بطايق وامي دقت عليها ونادتها من عقب ماسوت هذا كله فيني وفي امي ..

امي تقولي الحين اكتشفت ان خالتي كانت حتى تبي تفرقني بيني وبين ابوك .. كانت دايم لا صارت مشكله تشوشها على ابوي .. تقولها اطلعي عنه لاتعطينه وجه .. لاتنزلين راسك له .. احقريه .. ومن هالكلام القبيح .. وامي على نياتها كلمه توديها وتجيبها .. كانت متزوجه من عمرها 14 ماتدري عن شي .. وكانت ظروفها صعبه بهالوقت فانطمست شخصيتها اهي وجدتي .. وخالتي حسبي الله عليها استغلت الفرصه وقالت بسيطر عليهم ..
الحين امي تغيرت من عقب الصدمه ارت انسانه ثانيه .. قويه .. لها رأيها ..

بالمختصر المفيد يابنات .. معليش على هالكلمه خلوني كن راكبني مية رجال .. !!!
المشكله انها تدعي على نفسها تقول جعلي افقد عيالي ان تكلمت فيكم كلمه وحده بس ..!!
واذا قلنا نواجهك اجل بكل العايله دامك صادقه وكل العايله كذابه .. خافت وقالت لا لا مانبي مشاكل وقامت تصرف ..

تشتغل من ورا .. وقدامنا بريئه ماسويت شي ..
الحين تزوجت وانا حامل .. ومرت ايام وايام الحين خلاص العايله كلها ماتبي خالتي .. وتحذر منها ومن بناتها من عقب اللي سووه فيني وفي اهلي.. بس يجون للجمعه كل اربعا .. وسواليف رسميه .. لا تعرفني ولا اعرفك ..
يعني لو بيحكون بيحكون من بينهم .. لانهم لو حكوا عند احد بيروحون فيها ..

المهم امي .. خلاص ماتجي لجمعتهم وخالتي فيه ابد ابد .. تقول غصب عني اللي سووه فيني واللي سووه ببناتي مااقدر انساه ..
انا نفس الشي ماانسى اللي سووه فيني طول عمري .. كانوا يخدعونا .. واحنا على نياتنا ..
بس مرات اجي واكون خلاص عاديه معهم .. اسلم عليهم .. ابتسم .. لكن مثل اول مافي .. نجي لبيتهم مافي .. سواليف رسميه .. بس

بنات شرايكم .. لو انتوا محلي .. هل راح تنسون .. وترجعون العلاقه مثل اول ؟؟
ولا راح تكون قطيعه ..؟؟

انا والله اجي لكن ماقدر غصب علي مااحب اسولف معهم واتحاشاهم كلما اشوفهم اتذكر اللي سووه فيني وفي اهلي ..
شي مااقدر انساه .. كل شي ولا شرفي وعرضي .. هذا عرض ماينحكى فيه ..

والله اني ادعي عليهم ان الله يبليهم بمثل ماتبلوا علي .. في بناتها .. وفيها .. :(

ماانسى اللي صار لي ايام خطوبتي وملكتي .. والله كانت ايام جحيم غير حالتي النفسيه التفكير والهموم عشان الزواج .. حتى الكل انهار يوم شافني بالزواج اني تغيرت ونحفت مررررررررررررررررررررررررررررررررررررره
من اللي صارلي ..

واللي قلتلكم عليه وربي نقطه في بحر من اللي سووه فينا .. انا واهلي .. انواع القذف .. انواع الجنون .. !! كانا حتى يبون يخربون علاقاتنا مع الناس .. ويبون كل شي لانفسهم .. !! .. واحنا اول ماكنا ندري .. !!

ربي بيحاسبهم حساب عسير .. ان شالله ..
شرايكم يابنات .. باللي صار لي .. ولو انتو بمحلي .. ؟؟