اب

حسبي الله عليهم ونعم الوكيل ,,,, عني انا ما فكرت ادخل او اسجل في القياس محد يضمنهم اخاف ارسب ثم يطيرون اسمي ,,,
اللله يطيرهم من الارض ,,,لكن الرزق مهب بيدهم بيد اللي خلقهم وخلقنا ,,,

يابنات الإختبار إجباري الله ينتقم منهم



وحاولت أنا ع الوتس أب إني أنشر رسايل أنصح فيها بعدم الدخول لإختبار القياس عشان الكل يوقف وقفه وحده ويلغوا القرار الغبي هذا ..



لكن للأسف ناس تقرأ وتطنش والغالبيه راحت تجري تسجل ف الإختبار خوفا من ضياع فرصة التوظيف !!



المفروض كولنا نوقف وقفه وحده ونقوللهم .. من فين نجيبلكم 200 ريال وإحنا ماتوظفنا للآن ؟!!



كان ع الأقل يأجلوا الإختبار لما بعد التعيين وبعد أول سنه ممكن ندخل إختبار "السرقه والنهب " القياس حقهم هذا ..



يا مجانين إنتو واثقين الآن إنو لو دخلتي وإجتزتي الإختبار حتتوظفي ؟!!



لا تنسوا إنه كل 3 سنوات حتختبري من جديد وحتدفعي 200 ريال من جديد .. وفي ناس بالعشر سنوات تنتظر التعيين ؟!!



يعني حافز إللي دفعوه لنا سنه رجعوا ياخذوه ههههههههه







وضع مخجل ومؤسف وصلنا له ..



لكن الساكتين عن حقوقهم يستاهلوا .. ليه مانتفق في يوم معين نجتمع أمام فروع وزارة الخدمه إحنا البنات 4

أو 5 ساعات يوميا .. صدقوني حيكون بنتيجه .. أما الدعوات وإنو نتحسب عليهم هذا مايفيد بشي..



هذولا ناس باعت آخرتها بوسخ الدنيا ولا يهزهم الدعاء عليهم

لكن إللي يحركهم خوفهم على مناصبهم ووقوفنا في وجوههم هو الرادع لهم



أنا معلمة لغة إنجليزية .. متخرجه من 6 سنوات وزياده .. كل سنه أقدم وأختار 45 رغبه مكانيه أي جمييييع المناطق.. وسنه خبره ( للعلم سنوات الخبره اللي تقطعنا وإنذلينا عشان ناخذها بلوها واشربوا مويتها) ولا جاني تعيين ..



كلمه أخيره لأصحاب الواسطات

أنا لا أسامح أي وحده تقدمت عليا بالواسطه ولا أحللها حتى لو تعينت فسنوات عمري اللي ضيعتها ف الإنتظار لا أنساها ..ونلتقي إن شاءالله أمام من لا تضيع عنده الحقوق ..

للعلم ..



أنا قبل سنتين روحت لفرع وزارة الخدمة المدنية في المدينة المنوره

أبغى أسأل عن رقمي في المفاضله وقالتلي الموظفه قبلك 21 وحده بعدهم يكون دورك
فرحت وقولت هانت الحمدلله ماحتعدي سنه إلا وأنا متوظفه .. لكن للأسف ماتوظفت..



واليوم روحت أسأل عن رقمي في المفاضله من جديد..
قالتلي الموظفه مافي شي إسمه رقمي في المفاضله !!
قولتلها إلا فيه قالت أبدا مافي مين يقول ..
قولتلها أنا قبل سنتين جيت هنا وقلتلولي باقي 21 وحده قبلي
سكتت بعدين قالت طيب ممكن أديكي هوا بس تعالي وقت المطابقه عشان الأيقونه إللي أدخل منها ع أرقام المفاضله تكون موجوده..

قولت خير إن شاءالله ومشيت



لا حظوا يعني كانت ناويه تزحلقني في البدايه لكن لما أحرجتها وقولت إني جيت وعرفت رقمي من هنا غيرت رايها وقالت الصح



وطبعا كانوا قاعدين ع الهرج ولا حتى إستحوا وقالوا أتفضلي أجلسي ..



سؤال يدور في راسي من فتره ..



هذولا كيف يتوظفوا في الوزارات وفين يقدموا .. وحتى في الأحوال المدنيه لما طلعت بطاقتي أتفاجأت بإنو كل الموظفات كانوا بنات صغار يعني بالكثير مالهم 5 أو 6 سنوات متخرجات هذا اذا كانوا فعلا خريجات مو بالثانويه أو غيرو ..

اماني الشريقه قهر والله
لو اني بدالك كان باجل الزواج مو الوظيفة ماتتعوض
الله يعوض عليك