الصراحه انا مكانك ما اتطلق ولا افكر ابد
هالاطفال وش ذنبهم يعيشون بدون ابوهم
ويعيشون مشتتين واهلك ما يبونهم
نصيحه اتحملي عشان اطفالك وش ذنبهم😔
اذكري الله وخلي ايمانك بالله انه يمهل ولا يهمل اذا انت وزوجك مافي تفاهم عيشي لاطفالك هم بحاجتك والدنيا دواره شيلهم الحين يشولونك لا كبرتي
انا ضد الطلاق نهائي
الله يسخرك انت وزوجك لبعض ويبعد هالفكره من بالك
ان ابغض الحلال عند الله الطلاق
الله المستعان

اذا كان زوجك مو مدمن ولا راعي سفر وخرابيط ولا يزني ولا يضربك ويصرف عليك وقايم بمسئولياته اتجاهك واتجاه عياله

ومشاكللك معه مجرد خلافات عادية وسوء فهم وتراكمات
فلا تتطلقي الان الشيطان يزين لك حياة الانفصال والطلاق ولما تروح السكرة وتجي الفكرة راح تنصدمي بالواقع

وانتي مو موظفة واهلك مو واقفين معك وعندك عيال

كل شي ممكن يتصلح الا في حالة الاسباب الي ذكرتها فوق والي يكون الطلاق ضروري لوجود الضرر على الزوجة والعيال في المرتبة الاولى

لازم فيه سبب قوي للطلاق ويكون فيه ضرر واضح عليك وعلى عيالك

اما اذا ما فيه هالسبب فليه تشتتي نفسك وعيالك ؟؟!! حرام والله
والحياة في هالزمن صعبة
تعوذي من ابليس وجلسي في بيتك وسط عيالك واكثري من الاستغفار والدعاء
والله يهون عليك

شوفي حبيبتي انا اعرف وحده زي حالتك بـس أبوهم حلف ياخذهم وهي بـس مجرد انا تتخيل انه ياخذهم تقعد تبكي والله العظيم 
قعدت ع سورة البقره ولاستغفار والصلاة ع الرسول كانت تبيه يتنازل عنهم ع ورق وهو كان يهددها بخذهم يعني الي هي تبيه كاااان مستحيييييييل بـس وهو على ربك هين والله العظيم يوم جو في المحكمة تنااااااااااااازل عنهم ع ورق 
والحين عيالها معاها ومبسوطين 
مالك الإتسوين مثل ماسوت وتزودين في الطاعات التمنا اني فدتك والله يحفظ لك عيالك

الحين احنا مانعرف اسباب المشاكل بينكم ولانوعها لوكانت المشكله شي يحتمل .لان ضروفك بجد صعبه لوتطلقتي  فكري بعقل اطلعي منها ربحانه  وبااقل الخساير  ... ماتبينه كارهته مجروحه منه  اصبري طنشيه عيشي حياتك  ع الاقل جامعكم انتي وعيالك ببيت واحد ويصرف عليكم   .... ولوطالبه الطلاق وانتي اهم ماعندك عيالك ولاتبين الزواج  وووش اللي بتلقينه عنداهلك  حتئ اعيالك موب قابلين فيهم ...معك  اجلسي فبيتك ابرك  لك  وهالرجال لومو صالحه معه الامور عيشي حياتك  كملي دراسه توضفي كوني نفسك بنفسك  خليه مظهراجتماعي بسس......   فكري بعقل حطي ورقتين واكتبي حياتك عند اهلك وحياتك عندزوجك   ايهما تفضلين والله يفرج همممك الدعاء لله سلاح  للمؤمن  ... ... واللهم صل علئ حبيبنا محمد ..... 

الله يفرج همك يا اختي بس اصحك اصحك تفرطي في عيالك لا مع ابوهم ولا مع اهلك و اذا فيك تصبري اصبري في بيتك او روحي مع عيالك الله يستر عليك