السلام عليكم ورحمة الله وبركاته ياختي يا فيروز والله مشكلتك اخف من غيرك والي بسمع مشاكل غيره بتهون عليه مشاكله اختي في غربه وعروس جديد وحماتها خالتي ومع هيك مش خالصه منهم مشاكل من اول ما تزوجت والطامه الكبرى انها كانت ساكنه معاهم والخلافات كانت دائما بينهم وبين ابنهم بسبب زي ماقلتي اختلاف في وجهات النظر حتى انه مباديئ والحق مع جوز اختي والله يشهد وياما طردوا من البيت تصدقي وهي ما الها كم شهر عروس ومع هيك اختي تحملت لحد ما طفح الكيل وانتقلوا ببيت لوحدهم ورغم هذا ظلت ااختي تراعي وصل الرحم مع حماتها وبنات حماها الي مش متزوجين بس لما شافت مافي فايده طنشتهم وهيك عملت الي عليها انا اسفه اختي بس حبيت اسولف لك عن القصه وما خفي كان اعظم بس للاختصار وهيك بتشوف بلاوي الناس بتهون عليك بليتك بالنسبه للحل المقترح والله يهديكي ويهدينا لفعل وقول الخير
1 - كوني دائما واسطة خير بغض النظر عن جوزك زي ماقلت الك قبل الايام بدور وهاذول بظلوا اخوان واهل وانتي ما بتعرفي شو بصير بكره لانه اذا اخذت موقف بعدين منهم زي زوجك وبعدين اتصالحوا انتي الي راح تطلعي بسواد الوجه فخليك معهم طبيعيه بس ما هم كمان مالهم حق انهم يساووا هيك معكم يا تري شو وجهات النظر هاي الي بتخلي الاخ يحقد على اخوه زي هيك عيني ياترى ما قلتي اذا زوجك اصغر من اخوانه او اكبر ومين بلش الزعل وياتري الاختلاف بوجهات النظر هاي مصيريه مهمه كثير او بس مواقف بتتراكم يعني الخلافات العاديه الواحد لازم يتجاوز عنها مش يمكن جوزك كبر الهاويه بينه وبين اخوانه ليش ما يبدا بالصلح اصلا الخصام بين اي مسلم واخوه اكثر من 3 ايام لا يجوز فمابالك باخ من امك وابوك لحمك ودمك والابو وين دوره به1ا كله
2 علاقتك مع امه منيحه الام لازم تمون على اولادها ما تخليهم هيك كل واحد يعني تحننهم مع بعض حاولي انك تحكي معاها وخليها تقربهم من بعض هذا في حال كان بينك وبين حماتك اتصال وموده زي قبل
3 باالنسبه لاخوانه وخواته وعلاقتك معهم ياختي ما الهم عليك واجب انتي كفيتي وفيتي واحسن لك خلي العلاقات رسميه يعني لا تدخلي فيهم وهم الي خسرانين وبنات حماك شفتيهم عادي احكي معهم اذا كانوا في بيت حماتك انتي مش غلطانه عشان حماتك ما توخذ منك موقف لانه هاذول بناتها واكيد بهمها انك تحترميهم بس
4 وخلي جوزك يوصل رحمه بالذات خواته البنات مهم كان هاذول خواته واخوانه يحاول انه ما يدق على كل حركه منهم ياختي يطنش والصراحه في هيك امور راحه والمواجهة احسن حل هاذول اخوان الله اكبر مش اعداء
5 انتي بالنهايه الي بحترمك احترمي والي ما بحترمك طنشي اعتبري مش موجود اصلا وهيك بتغيظيهم اكثر بس حماتك وحماك هاذول عليك واجب انك تراعيهم وما تخلي العلاقه تخرب بينك وبينهم
اخوانه وخواته اذا تقابلتوا بالصدفه او بوعد في الزيارات العائليه احكي سلمي لانه السلام لله مش للعبد واذا ما عبروك عادي طنشيهم وانتي جايه اصلا عند حماتك مش عندهم وهيك مابكون عليك حق انشاء الله وادعي الله اقرئي قران قبل لا تدخلي عندهم وخصوصا المعوذات والاخلاص واية الكرسي وما تحطي ببالك منهم الي زارك اخذ الاجر من عند الله والي ما زارك وظلمك راح بذنبه وخسر الاجر من عند الله واهتمي ببيتك وزوجك ولا تخلي المشاكل الي بره هاي تأثر على البيت والمظلوم انشاء الله دعوته مستجابه يختي احسن انك تحطي راسك على المخده وتنامي مظلومه من ما تنامي وانتي ظالمه والله يفرجها عليكي وعلى زوجك ويحنن قلبه وقلب اخوانه على بعض والله الدنيا ما تستاهل الشيطان بشغلنا بهم الدنيا الفانيه والله هم الاخره اكبر واسال الله المغفره لي ولوالدي وللمسلمين وللمسلمات والمؤمنين والمؤمنات الاحياء منهم والاموات الي يوم الدين والله يفرجها على الجميع واحتسبي صبرك عند الله ياختي وما تحملي هم دام الله شايف وعارف النيات والله ييسر امرك وحسبنا الله ونعم الوكيل ولا حول ولا قوة الا بالله العلي العظيم

جزاك الله خير اختي where وجعل الكلام اللي قلتيه في موازين حسناتك وعلى فكره زوجي اصغر من اخواته وحماي متوفي الله يرحمه00وانا حاخذ بنصيحتك مع انه حاجات كتير قولتيها ان عملتها لكن حطبق اللي قولتيه ولكي مني خالص الشكر والتقدير0

ماشاء الله الاخوات ماقصروا
ومن حسن نيته ما شاف شر الله يسخر لك زوجك والباقي الله حسيبهم
بس تصدقون مشاكل اهل الزوج ماتنتهي وسببها الغيره كان الله في عون الجميع