لو باروح أولد بمستشفى بعيد عني مسافه ساعه ونصف عادي والا لا ؟؟// قديم

بنات انا من الجبيل الصناعيه افتر راسي وانا افكر وين اتابع شهوري الاخيره .. ووين اولد ؟؟




المواساه اكثر من وحده تشكي من عدم خبرتهم بتنظيف الرحم من المشيمه بعد الولاده وهذا شيء خطير ترا
وقريت كمان تجربه لوحده ماطلعت المشيمه كلها في مستشفى الهيئة الملكيه




المانعيسبونه بعد عدم اهتمام وعدم نظافه
لكن الخياطه ماقريت احد سبها لحد الان ولا سالفة بقاء المشيمه او جزء منها بعد الولاده
بس سلفتي قريب والده فيه ما تمدحه ابدا تقول مافيه اهتمام ابدا ..





الهيئة الملكية .. كنت ناويه عليه

انا جربته مرتين بالولاده الاولى كان روعه والخياطه بعد تمام


ثاني مره لا والله سوء معامله وعدم اهتمام والممرضه تنافخ.. والخياطه مره شينه حتى التهبت علي واضطريت للكوي بعد الاربعين بعد عشان صار فيه جلد زائد بسبب الالتهاب ..

والحين ماودي اعيد التجربه هذه ..


واللي خوفني منه هالموضوع انه ماسووا لها خياطه اصلا بعد الطفل الثاني ... تخيلي الطفل يشق المنطقه ولا يخيطونها ..!!

http://forum.hawaaworld.com/showthread.php?t=2606568


وتجربتها في عام 1431 يعني اقرب تجربه قريتها ... الباقي تجارب قديمه مره

وقريت تجربه لوحده خلال هالسنه بس بدون تفاصيل راسلتها على الخاص ان شاء الله ترد علي



بالنسبه لمستشفى سعد :


بنات هل مشوار (ساعه و ربع تقريبا ) يخوف ولو فيه يوم زحمه يمكن يكون اكثر ..
لو نويت اروح اولد بسعد بالخبر وانا ساكنه بالجبيل الصناعيه ..

زوجي قلت له قال لي لا تغامرين الطريق طويل اخاف عليك بالسياره مشوار يصير عليك شيء ؟؟

والمستشفى هذا من زمان يمدحونه لكن الحين يقولون تغير بس مو سيء ..

غير انه بناتي حوسه مدري وين اوديهم لو رحت الخبر .. لان كان ودي وقت الولاده يجلسون مع ابوهم بالبيت ويكون قريب مني بعد لو احتجت شيء

لكن لو خليتهم عند اهلي صعب وانا و زوجي بالخبر .. لان بنتي الصغيره مره متعلقه فيني واكيد ماراح تسكت الا مع ابوها .. غير ان وقت الولاده بيكون وقت دراسه يعني بصراحه اختي مو فاضيه لبناتي لانها بثالث ثنوي
وامي عندها دوام بعد .. مره حوسه ..

وفكرت اخذهم معاي الخبر ويجلسون بشقه مع ابوهم بس حاسه زوجي ماراح يحب هالفكره ..



محتاره مرة ساعدوني