لو بايدي سكينة كنت دبحته هو واهله

حسبي الله ونعم الوكيل في زوجي واهله حسبي الله ونعم الوكيل فيهم ليل نهار حاسه زي الجمر بصدري

والله لو اشوفه هلا ادامي مش بعيد امسك سكينة واهجم عليه هو واهله بس عشان ابرد قلبي

الظلم شين شين شين

اتصور اغلب العضوات بعرفوا مشكلتي
http://forum.hawaaworld.com/showthread.php?t=3941121
هلا انا صارلي شهرين بالمحكمة ووصلنا 6 جلسات وبكره الجلسة السابعه باختصار دخلنا اول مرحلة الي هي مرحلة الصلح بالتوجيه الاسري وما مشيت الامور لا لصلح ولا نصل لاتفاق بالطلاق لانه ببساطة الحقير ما اجى على الجلسات

رفعت قضية بالمحكمة عند القاضي الجلسة الاولى كذب انه هاي تمثيلية مني عشان قرر يتزوج علي وكله كذب بكذب .. وحكى للقاضي رايدها عشان يجبرني على الخلع

الجلسة التانية كذب اني كنت مخططه اترك البيت والدليل ماخده جوازي وذهبي واتهمني سبيت امه وخواته وكله كذب بكذب .. بالعكس بعتلهم اشرحلهم شو صار وشو الموقف كان موقفهم عدواني جدا ومعايره الي باجهاضاتي ووقتها قدمت محضر بسبب طلبي للطلاق وهو الخيانة الزوجية وسوء العشرة الزوجية مدعم بمسجات وصور وهدايا واحداث بحياتي .. بس ما دخلت لاي تفاصيل اخرى لاني بدي احفظ العشرة الي كانت بينا

الجلسة الثالثة كان رد على محضري والقاضي قرر نصل للمرحلة الاخيره الي هي الحكمين حكم من اهلي وحكم من اهله وبكره الجلسة عشان يحلفوهم على المصحف قبل ما يمشوا بالخطوات القانونية

بس الي صدمني الكلام الي كاتبه بالمحضر عني كله كذب وافتراء وظلم وتجبر ... حسبي الله ونعم الوكيل كاتبين عني قصص محورينها على كيفهم من اول يوم عرس... طلعوني وسخه ومقرفة وبيتي صراصير .. طلعوني ما بعرف اصلي ولا اقرا قران .. طلعوني وحدة تاعت شباب وعلاقات وبشجع صحباتي على العلاقات الغرامية.. اتهموني بمحاول اقتل ابنهم بدوا كحة منتهي الصلاحية (( امه الي اعطتني الدو)) .. اتهموني وحدة لا خجل ولا ادب وبذيئة اللسان ... طلعوا راتبي بنصرف على هدايا لاهلي وكماليات وعمري ما صرفت معاه درهم.. اتهموني انو صابر علي وما بفهم بالحياة الزوجيه شي.. اتهمني اني محقق كونان بروح باخد ارقام عملاء من موبايله وبتصل فيهم وبسال عنه وبعمل علاقات.. اتهمني عمري ما ساعدت امه ولا ابوه بالعكس كنت وقحه جدا معهم ومافي مني اي خير .. انا وقتي شغل وجامعة وصحبات وكل وقتي ببيت اهلي وبنام عندهم من غير اي نقاش او اذن.. ال هو الي بشتغل بالبيت وبقوم مقام الزوجة

حسبي الله ونعم الوكيل فيهم 3 سنين كنت مشعله اصابعي العشرة عشان ارضيه وارضي اهله على حساب صحتي وسعادتي وراحتي صبرت على نكده وفقره وقرفه وشغله وعصبيته وزناخة امه وخواته وكلو بحكي بكره بكون احسن
حسبي الله ونعم الوكيل فيهم خاني وباعني وخدعني وبده يذلني ويمرمطني بالمحاكم ال حاطت لرجعتي للبيت شروط
1- ممنوع اشتغل ولازم اترك تعليمي
2- ممنوع اطلع من البيت او اشوف اي حد الا باذنه
3- زي ما تركت البيت لحالي ارجع لحالي
4- راح يتزوج علي

مش عارفه باي عين وباي قلب كتب هيك محضر وهيك شروط ما تخيلته يكون نذل نذل نذل ووسخ بهاي الطريقة

حسبي الله ونعم الوكيل فيه على كل قهر وعلى كل جرح وعلى كل دمعة نزلها من عيني هو واهله
هاي مواضيعي الي كنت اكتبها هون بعالم حواء خلال 3 سنين فرجيكم الحياة السعيدة والرغده الي كان معيشني اياها (( حسب كلامه للقاضي ))

http://forum.hawaaworld.com/showthread.php?t=2946636
http://forum.hawaaworld.com/showthread.php?t=3328036
http://forum.hawaaworld.com/showthread.php?t=3286335

الي كتبته مجرد فضفضه لاني حاسه حالي راح انفجر .. البارحة اعدت مع المصلح ولما بلشت احكيله كيف كانت حياتي معاه وكيف صبرت حسيت بغصة بالاخر هاي جزاتي خيانة وجرجرة بالمحاكم

حسبي الله ونعم الوكيل دعواتكم يخلص الموضوع قبل رمضان القاضي حكالي راح يسافر واذا ما خلص موضوعي قبل راح تتاجل القضية لبعد عيد الفطر