لو بكرا ناس جايه تشوفك عشان تخطبك لولدها وش راح تهببي بعمرك( تجارب واقتراحات)

موضوع رائع ومفيد لتبادل الاخوات الافكار والنصائح حتى مااحد يقع في الاخطاء المتكرره والله يرزق بنات المسلمين بالزوج الصالح

لو انا مكانك.. اول شي اختاري اللبس اللي يطلعك سكرة وحلوة حتى لو كان قديم ومن زمان في دولابك.. مو اللي جديد وعلى الموضة وشكلك فيه عاديه!..
أقصد عندك فستان أو أي لبس ألوانه زاهيه وفرايحيي البسيه.. وان كان موضه وجديد خير وبركة.. البسي صندل حلو بيقزون جسمك ورجولك.. ترا :) اخبرهم الحريم
وحطي مكياج يبين جمال عيونك مسكرة ثقيله وكحل اسوووود.. وشدوا من اللي يحبه قلبك.. وروج وردي بحيث يبين انك مالطيتي على وجهك الا شي بسيط.. :)
وشعرك سشوريه.. وان حصل عند المشغل أحلى..والبسي طوق أو أي حركة ناعمة..
لاتقولين أبي أكون على طبيعتي وماابي اخدعهم.. أبد لاتخافين عليهم.. في هالزمن.. الا مايطلعون مليون عيب.. بس الناس صايره تحب المظاهر والكشخة بعدين الاخلاق..واذا عاد ربي تمم بخير وخذوك لولدهم.. وعرفوك انك عسولة وذوق.. مهوب قايلين لعبتي علينا .. لا بتصيرين عندهم الزينة الحبيبة :)
وعاد التصرف.. لاتدخلين من يوم يجون.. ولا تتأخرين عليهم كثير.. ولا تخلين أياً كان يجي معكم.. يخرب عليك.. الا امك بس.. دايم تحصل اذا شافوا اختها المعرسة قارنوها فيها وقالوا.. اختها أحلى..
وخليك ثقل وكلامك موزون.. ان استدعى الامر .. والابتسامة الناعمة خليها على وجهك.. لاتكشرين :)
والله يوفقك معليش تحمست ..
ملاحظة ساعات الوحده تكون مجتهدة ومشقرة الحواجب ويحسبونها تنمص.. ويهونون علشان هالسبب.. أنا حصلت لي مرتين قبل زواجي.. واهل رجلي الصدقيين جو في فتره بطلت فيها التشقير.. علشان خفت انه حرام.. والحمدلله ماضرني ماشاء الله..
آسفة على الاطالة.. الله ييسر امرك وكل الامورات اللي ماتزوجوا يارب.

غريبة يشيخه روحي الله يسمع منك

نورتي الموضوع ياقمر

المها اقرا موضوعك والابتسامه شاقه وجهي شق

كلامك عجبني

حلو ومنطقي

االله يوفقك حبيبتي ويجزاك خير واضح ان ردك من قلب صادق

فديت الطيبين

انا دايما افكر بهذا الشي وكيف بتصرف >>>>>> وجات النتيجه اني اكون مثل ما انا

ميك اب خفيف ولبس نعوم يناسبني والشعر استشوار وبس

احس اهم شي قبلها بكم يوم تريحي بشرتك

واذا جات لا تجلسي عندها وتطولي خلي جلستك خفيفه

>>>>>>> مع اني ما افضل ان امه هي اللي تجي وتشوف

>>>>>> ايش دخلها بتزوجها ولا بتزوج ابنها >>>> تحمست :)