السلام عليكم
لو بنتك (8 سنوات) تقولك ماما ماعندي صديقات في المدرسه وفيه وحده دايم تهزئني وتتمسخر اذا ماعرفت اجاوب وتتلفظ الفاظ سيئه وتخلي البنات ينحازون معها ويتركون بنتك ؟:44:بنتي باختصار حساسه جددا وماشاء الله مجتهده واكثر وحده مرتبه وملابسها احلى واغلى لبس وحلوه ماشاء الله عليها لكن كل مره تتشكى لي من بنت معها وهي الوحيده الا من عمرها لانها تدرس انجليزي والاعمار متفاوته فتعور قلبي كل مره تقولي ماما ماحد يلعب معاي وقت البريك :44: والبنت الي من عمرها تتلفظ الفاظ مو حلوه على بنتي وبنتي تتضايق وتجلس لحالها :44: والله لما تقولي كذا اتألم عليها واظل اتكلم معها انتي مو مرتاحه مع البقيه ؟ تقولي ايوه عادي لكن البنات مايبوني يبون البنت الي سيئه! الي تتلفظ الفاظ سيئه وتتهزأ على بنتي اذا ماعرفت ! رغم ان بنتي ماشاء الله ماتتلفظ الفاظ سيئه ولا تسوي شي هاديه ..كيف ارفع روحها المعنويه ؟كيف اخليها محبوبه من الجميع من الاطفال للعلم بانها محبوبه من مدرساتها لكن مع الاطفال دايم تعاني ..وانا اشوف ان الطفل محتاج للصداقه وانه يكون مقبول مع الي من عمره عشان يحب المكان اكثر ونفسيته ترتاح ..لو انتي مكاني شنو تسوين ؟
لينا وعدنان @lyna_oaadnan
محررة ماسية
يلزم عليك تسجيل الدخول أولًا لكتابة تعليق.
محرزيه
•
بنت عندها نفس المشكله وهي حلوه ومرتبه وتعاني من الوحده رحت للمس وحكيت لها الموضوع كلمت المس البنات وسوت حفله في الفصل وقالت هذه الحفله لغنى الي هيه بنتي عشان ترفع معنوياتها لانهاكرهت المدرسه
خذي بنتك مشيها وديها لين حد المرايه وقولي لها شوفي نفسك بالمرايه ماما تكلمك المرايه وتقولك ليش البنات يعاملوك كذا ... لانك احلى وحدة يا عمري وحلووووووووووووووووووووة مرة وفيهم شوية غيرة منك ... لا تزعلين ولا تضايقين انا يوم كنت بعمرك كنت مثلك حلوة يغارون مني ماكنت ازعل من احد ... وكل يوم اول ماتدخل من الباب قولي لها ... واااااااااااااااو بنتي الحلوة القمر جات اكيد الكل غار منك ! يا عمري يحق لك يغارون اجل كل هالحلا ... وماتبين يغارون منك زميلاتك .. بعدها امشي روحي تكلمي مع المشرفة ولا مع المدرسة ! تناقش البنات وتسوي وياه بنتك والثانية ... صلح ويصيروا اصدقاء والا مستواها دراسي راح يتراجع .. وبتتاذى نفسيا وهذا شي مش كويس لطفلة في سنها... الله يخليها لك . وبالعكس لبسي بنتك احلى شي وكشيخا وعلميها من الصغر انها تعتني بنفسها ووبشرتها اشتري لها بيبي لوشن كمان ترى العناية من الصغر تحضير للكبر .... وعادي لو لبستي بنتك من اغلى شي قال رسول الله صلى الله عليه وسلم
{ إن الله يحب أن يرى أثر نعمته بالخير على عبده } بشرط علمي بنتك التواضع وحب الخير وبين فترة وفترة خليها تجمع الملابس والالعاب اللي ماتبيه وتتبرع للجمعية الخيرية .. وعلميها تسوي حصالة تجمع فيه ريالات وتتصدق فيه .. الطفل يحتاج الى تربية متكاملة من كلا الجهتين الدنيا والاخرة . بتوفيق اختي .
{ إن الله يحب أن يرى أثر نعمته بالخير على عبده } بشرط علمي بنتك التواضع وحب الخير وبين فترة وفترة خليها تجمع الملابس والالعاب اللي ماتبيه وتتبرع للجمعية الخيرية .. وعلميها تسوي حصالة تجمع فيه ريالات وتتصدق فيه .. الطفل يحتاج الى تربية متكاملة من كلا الجهتين الدنيا والاخرة . بتوفيق اختي .
الصفحة الأخيرة
اذا كانت البنت هذي اللي تضايقها في فصلها خليها نتقل للفصل الثاني اذا فيه فصل ثاني