الموقف الاول صعب شوي

بس احس امك تضايقت والدليل كما ذكرتي حتى بالموقف الثاني لمن قالت انا اخر من يعلم

مبين ان امك حساسه الله يخليها لك ديري بالك من تصرفاتك


لمن تحسين انك ضايقتيها .. اعترفيلها وبوسي ايدها اعتذرتي

الله يخليكم حق بعض

انا ماني ام الله يرزقني بس اشوف ان الموضوع مايستاهل اهم شي انها تكون راضيه عليك الحين وعفى الله عن ما سلف وانتي ماكان قصدك وامك كانت عتبانه مو زعلانه صح؟
عجبني فيك حرصك على رضى امك الله يرزقك ويرزقنا برهم

كحيلة

ياحبي لكككك :)

ليتهااا جات على ذي بسس

والله ان امي مسكينة اغثهاا وبعض الاحيان اعاندهاا بس ذي المواقف حزت بخااطري لأنها من اهم المواقف اللي تمر فيها البنت .. وكل ام تكون وقتها مفتخرة في بنتهاا فـ تتمنى ان بنتهاا تفتخر فيهاا ..



وان شاء الله راح احرص ان اي موضوع يضايقهاا ماخليه يطول اكثر من يومين ..

والله يقدررناا على برّهم ورضاهم ياااارب .. امين

مشكووورة على مرورك والله

--------------------------------------------------


الواثقة من نفسهاا :

لاتوصين حريص.. وهالموقفين خلتني اتعلم وصارت من أهم الدروس بحياااتي ..

والله العظيم كلمتك يوم قلتي ان تصرفي من سوء التصرف موب من عقوق الوالديين خلتني ارتااااح ..
الله يهنيييك ويريحك يارب دنيا وأخرة

ومشكوررة لمرورك

---------------------------------------------------

قلص :

اول شي الله يخليلك بنتك ياررب وتفرحيين بهاا طول عمرك ..

وثاني شي انا صايرة احرص على حركة ابين غلاتهاا قداام الناس :D

والله يخلي لكم امك ويرزقك برهاا وتسلمين ياعيووني على مرورك

-------------------------------------------------------------------

غربة الوحدة


والله العظييم ردك من أكثر الردود اللي اثلجت صدرري.. اشكرك على كلمة كتبتيهاا ..وعلى كل نصيحة قلتيها ..بالذات نصيحة اني اكلمها قبل لاتناام , لأن صدق يمكن أنا اختار الوقت الغلط عشان اطلب رضااهاا .. !!


وذكرتيني بشي ...مرة قلت لهاا اخاف اموت وانتي منتب راضية على ..سطرتني كف :D

ياعسااني ماشوف فيهاا يوم يضيق صدري عليها..

اختي غربة الوحدة الله ينور لك دروبك ويشرح لك صدرك ويفرج همك مثل ماشرحتي لي صدري

شاكرة لك مرورك والله يتقبل منك الدعاء
-------------------------------------------------
مد وجزر:

ماقول الا يابخت بنااتك فيك مشاء الله :D

ياحبي لها امي مافيه امل انها تعتبر هالحركة من السنع .. امي تبي تكون (نبر ون )في حيااتنا وبس.. هذا اللي يبسطهاا ..

وانا ان شاء الله نصيحتك بطبقهاا وخاصة على قرب نهاية السنة ..

شاكرة لك مرورك والله يفرحك في ابناائك


-----------------------------------------------------

ألآ :

ايه والله ادري انه موقف يزعل وعشان كذا طلبت رايكم :)

بس على قولتك امي حساااسة لأبعد حد فأالله يرزقني برهاا ويرزق عيالك ببرك

مشكوورة قلبي


---------------------------------------------------

مرة عبد الله

تسلمين والله ومااقصررتي وعلى قولتك اكيد انها عتباانة موب زعلانة

شاكرة لك مرورك والله ينولك كل اللي في بالك ويفررحك باولادك عاجلا غير أجل

------------------------------------------

اشكررركم جمميييع والله ينول كل وحدة فيكم كل ماتتمنااه

جزاكم الله خيرر :)

انا أقول لابني الصغير دايما لا يهمك انا لني ازعل وارضى لكن لازم يهمك ربك وغضبه وتتجنب غضبه هذا اول شي.


ومرات ييجي من المدرسة زعلان من علامة معينة وأنا أقول له درست للامتحان ؟؟؟؟؟؟؟ يقول درست .

اقول له خلاص .
يقول بس لو عرفتي الدرجة بتزعلي مني .

قلت له ولا يهمك زعلي انا ام لو زعلت شوي برجع برضى عادي المهم انت ما تزعل من نفسك وتلوم نفسك .

سوي الي شايفه أنت صح وخلاص.

مهى :

الله يكملك بعقلك ويتفرحين بولدك يارب

وان شاء الله تكون امي نفس تفكيرك

شاكرة لك مرورك والله :)