السلام عليكم ورحمة الله وبركاته
كيفكم يابنات حواء..
أكيد كل بنت او مرأه تحب تقوم من نومها وتشوف وجها بالمرايه تشوف الإشراق والنضاره
أنا عندي طريقه بالمره حلوه ..
روتين بسيط تتبعيه يوميا وتعودي نفسك عليه..
وصدقوني انا متبعه هالروتين ومره مرتاحه ..
بدايه
1-لمن تقومي من نومك تغسلي وجهك بصابونة كامي او صابونة جونسون
أهم شي ماتكون لوكس ..
تجيبي حليب السعوديه وتغمسي قطنه فيه وبعد ماتكوني نشفتي وجهك تمرري القطنه على وجهك.. تخلي الحليب فترة 10 دقايق..وبعدين تغسلي بالماي الدافي بعدين البارد..
2-لاتنسي وضع المرطب بعد ماتغسلي وجهك من الحليب ..في انواع كتيره انا عشان بشرتي مختلطه أستخدم جونسون ...لكن في برضو أولي .. وهذي الماركتين اللي انا اضمنها بصراحه
3-عليك بشرب المويه.. كل ماتشوفي نفسك فاضيه اشربي مويه :23:..لا امزح بس يكون شربك للماء ست كاسات ع الاقل..
4- تاخذيلك ع الريق فص ثوم تبلعيه ..تقدري تقسميه للنصف بالطول مش بالعرض وتبلعيه..
له فوايد كتيره منها تقوية المناعه من الامراض ..ويغزر الشعر ويكثفه.. وهذي انا لي تقريبا اسبوعين مداومه على الثووم
.
.
دحين جينا قبل النوم..
لازم تغسلي وجهك بالصابون .. وترجعي تعملي المرطب بس هالمره مارح تعمليه حول العين..
رح نعمل زيت مكون من زيت جنين القمح وزيت اللوز الحلو..لو مافي زيت لوز حلو بإمكانك تستخدمي زيت اللوز المر..فوايده انو يزيل الهالات السوداء من تحت العين
وانصح إنك تعملي تقشير مرتين بالاسبوع..
والتقشير مكون من
ملعقه حليب بودره + ست قطرات ليمون +ثلاث قطرات زيت زيتون"للبشره الجافه"اما لو كانت بشرتك دهنيه لاتستخدمي زيت الزيتون..وتخلطيهم مع شوية مويه لين يصير الخليط كريمي..وبعدين تحطيه بوجهك ورقبتك لين يجف وبعدين تبدأي بالتقشير..
بإمكانك تعملي هالتقشير بعد البخار..لكن لازم لو عملتي البخار قبل التقشير تجيبي قطعة ثلج وتمرريها على بشرتك
في نوع تقشير تلاقيه بالصيدليات من منتجات هيمالايا...بالمره حلوو..انا دايما اختار نوع اللي بالمشمش وبذور القمح
وهالمنتجات بالمره حلوه خصوصا التقشير مايجفف البشره ولا يسبب الحبوب أبداً
وصدقوني انو بعد الاسبوع الاول رح تلاحظو ان بشرتكم متغيره..
إن شاء الله اكون افدتكم من تجربتي لهالروتين..
دعواتكم لوالدي..:26:
جروووح إنسانه @groooh_ansanh
محررة برونزية
يلزم عليك تسجيل الدخول أولًا لكتابة تعليق.
حنان العتيبي
•
يسلمووووووووووووووووو
الصفحة الأخيرة