الاخت الفاضله/ مشاعل
السلام عليكم
الاخوات ما قصروا معاك ماشاء الله ..
اعيد عليك مرة اخرى زوجك جنتك ا ونارك
يعني لازم تراعيني حالته الماديه يعني السفر والشغاله اهم شئ
لا اهم شئ الدين الحمد لله محافظ على دينه وعلى صلاته
احمدي الله انه مو راعي خمور وووو
يعني ما يجيك إلا في الصباح ويجيك سكراااااااااان
والله العالم وين سهران فيه
انتي بنفسك تقدرين تغيرين حياتك لاتنظرين إلى من هم أعلى منك منزله لا بل انظري إلى من هم اقل منك
فتحسين إنك عايشه في جنه غيرك يتمنى إنه في ربع هذا الحياة الللي انتي عايشه فيها
راعي زوجك وحالته اشعريه إنك مبسوطه معه إذا دخل عليك لاتستقبلينه بلماذا لم تعطينا لماذا لم تذهب بنا لماذا لم تسافر بنا
لماذا نحن اقل من أختك أو اخيك بل إستقبليه بكلام جميل ورحبي به وصدقيني إنه رايح يتغير ورايح يحاول يسعدك بكل شئ
واتمنى لك من قلبي ان الله يسعدك ويوفقك يارب ....
شكرا اختي ملاك على نصيحتك الحلوة وعلى ردج للمرة الثانية
اختي happy smile شكرا على كلامك المنطقي والمقنع وكأنك عالمة في علم النفس...
تقولين (اعذريني وهذا ما لمسته منك نفسك..وانت لاتحبين المجاملة)
على ايش اعذرك . كلامك منطقي ومقنع...ما فيه في كلامك شي يزعلني..بالعكس كله واقعي.. مع اني احس اني ما قلت الشيء الكثير عن نفسي.. كيف عرفتوا كل هالحقائق..وكيف اجمعتوا على نفس الكلام..هل انا شريرة لهالدرجة؟؟والله ما يبين علي ؟؟
الحمدلله اني منخشة ورا هالكمبيوتر وما تعرفوني..
اتقولين اختي العزيزة(أنت من يجب عليك محاولة البحث عن أفضل الوسائل لابهار زوجك بملبسك وطبخك ومظهرك وترتيبك للبيت واهتمامك به وباطفالكما...)
انت تقولين انه لا يهتم بتدريسهم..هل حاولت الجلوس معه والتكلم بهدوء حول هذا الموضوع ومعرفة وجهة نظره( فلربما لم يكن متفوقا في الدراية )
نعم ..لم يكن متفوقا .كان كسلان ...كان معتمدا على المدرسين الخصوصيين ..كما هو الحال مع جميع اخوته..ابوهم ما قصر عليهم..المفروض ان هو يتبع لابناءه نفس اللي كان يتمتع فيه من ابوه..اخوه اللي اصغر منه استغل الفرصة وفتح له الكثير من المحلات ..هو ايش سوى؟؟والفرص جدامه كثيرة؟؟هو يروح احد محلات ابوه من العصر للساعة 8 ...من غير مقابل مع ان اصغر عامل في المحل ياخذ 10,000 ريال ...هو ساكت عن حقه..
ايشمعنى اخوه الاصغر.....
وبعدين تكلمتي عن مظهري في البيت...انا لما اروح اي عرس يقولون لي انتي العروس؟ولا فلانه ؟؟ ما امدح نفسي ابدا ...(بس انا صريحة )..وحتى في عرس اخوه ..كانوا هله يفتخرون بجمالي ولبسي الراقي جدام الناس..انا ما يبين علي العمر..ولما اروح بيت الوالد الكل يمدح جمالي ..واخواني يقولون فيني اشعار وان مستحيل يفرقون بيني وبين الوردة اللي في شعري لو كنت حاطة الوردة...لكن هو..عمره ما قال لي كلمة مدح وحدة..عمره..وين الدافع عشان اهتم بمظهري جدامه؟؟لكن الدافع نفسه كبير لما اروح بيت اهلي..
بس عن جد انا اشكركم وايد وايد.احس انكم تتكلمون معاي كأنكم خواتي تبون مصلحتي..
كيف عرفتوا كل هالحقائق..وكيف اجمعتوا على نفس الكلام..هل انا شريرة لهالدرجة؟؟والله ما يبين علي ؟؟
الحمدلله اني منخشة ورا هالكمبيوتر وما تعرفوني..
باعيد قراءة الردود كل فترة..لعلي احس انه مظلوم وليس ظالم واني انا ال...لالالا ..
والف شكر لكم