صاااادقه والله من جد ما الوم الرجاجيل انا

يا اما تكون ملسونه او او او او

فعلا أختي أنا معاك في كلامك
وفي بعد حريم ماتوفر لزوجها الجو الاسري في البيت تلقينها اذا جلست معاه ساكته ولا تقدم له الاكل الي يحبه ولا تتزين قدامه
زوجهاشي طبيعي انه بيطفش عندها ويصير برى البيت وتلقينها بس تشتكي مايقعد عندي طيب هذا ماينلام

اشكر كل من تعنت وردت علي جعلها الله قربة لها يوم القيامة ..
وانا معكم فيه رجال لو تبيعينه ماجاب ريال ..بس الغالب ان الحريم كما قال الرسول ( يكثرن الشكاة ويكفرن العشير ) ..

عندك حق

والله انك صادقه انا من النوع اللي ارحم الرجال اذا كانت زوجته قاسيه
او انها ماتقوم باالامور الزوجيه
مثل فيه بنات مايطبخوون ابد ولايعرفون شي اسمه مطبخ ولايعرفون شي اسمه تنظيف البيت
طيب ليش تزوجتي تكفين؟ عشان تركبين قدام؟
ماتدرين ان الزوج يحب اذا جا للبيت لقى زوجته طابخه ومننظفه بيته
ولا الغسيل يودى بكيس وش كبره للغسال كنه عزوبي ومعه ثيابها بعد
او اذا تكرمت ودت ثيابها لااهلها وثيابه للغسال

واذا لبى طلباتها فهو ملزوم واذا بغى منها شي ولا لها خلق تسويه فهي مظلومه ولايحس فيها
طبعا ماقول كل البنات لا والله فيه بنات ماشالله تبارك الرحمن صدق لاقالو اجوديات وبنات ناس ..
وعلى قولتك يالغلا اذا تزوج على هالاشكال فهو رجال
والله اني اعرف وحده تقولي بلسانها اذا رحت لبيت اهل زوجي اقول لزوجي لاتخلي اخوانك يدخلون البيت مالي خلق البس جلال تخييييييلو تحرم اخوانه من دخله البيت عشان مالها خلق تلبس جلال؟؟
الله يعافيهم ولايبلانا استغفر الله العظيم
بس والله اني لاشفت كذا ان تجيني غصه في قلبي اقول وشلون يسكت الرجال؟
ليش مايوديها لااهلها ويقول اذا تربيتي وعرفتي تحشميني رجعتك او بدالك الف عشان تستعدل معه
واذا ماستعدلت صدق ترى بدالها الف والله