لو تقدم لك هذا الرجل بتوافقين؟

ارفض
ومتأكده ان اهلي راح يرفضونه كذلك
التوبه بينه وبين ربه والله هو اللي راح يحاسبه ويجازيه على كل شي
لكن بنفس الوقت انا ماني فار تجارب
ولا عندي طاقه اعيش طول عمري في شك ويدي على قلبي كل ماطلع او سافر او غاب عن عيني
وماعندي استعداد اجيب اطفال من شخص له سوابق سلبيه الكل يعرفها ثم الناس تعايرهم بذنب ابوهم
هذا غير ان التوبه بالنسبه لي ربما تكون مؤقته مقرونه بالزواج ثم اذا تحقق الطلب وتزوج يرجع من جديد ياخذ راحته بالشرب والخرابيط فمن البدايه باب يجي منه الريح سده واستريح
لا الحب ولا الارتياح بينفعني بعد الزواج
وفي جميع الاحوال اعتقد ان اهلك بيكون لهم كلمتهم الاولى والاخيره في قبول او رفض الخاطب
فلا تتعبين نفسك بالتفكير وشوفي راي اهلك ثم بعده فكري واستخيري لا تعلقين قلبك بالاوهام
واحذري من الامهات الانانيات اللي تعلق البنت في ولدها وتجمله وتمدحه وترفع فيه لانها تبي لولدها بنت تستر بلاويه وتكون خابزتها وعاجنتها وقادره تسيطر عليها

بصراحة أرفض
اختاروك لانك صبورة وتتحملين المسؤولية ،،فكنت الانسب لولدهم لانهم يدرون ان مو اي بنت تناسبه وتناسب وضعه


ماادخل بنيتهم لكن انا عندي قناعة ان اللي يمشي على هالطريق عند اول منعطف بحياته واي مشكلة تواجهه بيهرب منها ويرجع ينتكس من جديد ،،


والقرار الأول والأخير لك ،، الله يكتب لك اللي فيه الخير

السلام عليكم
كيف حالك اختي ؟
الأمر يعتمد على
طول المدة التي توقف عن الشرب و هل مازال يتعامل مع أصدقاء السوء...
طريقة العلاج نفسها هل كانت تشتمل على علاج نفسي ( حتى يستطيع ان يسيطر على افكاره ناحية الادمان )
هل يعمل و أظهر مظاهر الاعتماد على النفس و تحمل المسئولية ...
قدرتك على التعامل معه بذكاء ( تحتاجين إلى أن تثقفي نفسك في كيفية التعامل معه حتى لا تكونين عامل له في الانتكاسة) القدر الله
و إذا أقدمت على الموافقة منه انصحك بتأجيل الحمل لفترة ، تحججي باي حجة ...
تحياتي لك دارين حسن مستشارة نفسية و زوجية

استخيري اولا
ثانيا لو انا مارح اوافق هذا الطريق الي مشا فيه يدمر نفسه واهل بيته ويمرضهم بعد
فرضا رجع يشرب وش بتسوين؟؟؟؟حب امه مارح ينفعك ساعتها
الله يتب علينا وعليه ويرزقه مسكين بس نصيحه لاتوافقين منتي فار تجارب وبراحتك طبعا

شفتي اللي يقولون زوجوه يعقل ؟ ذولي هم اهل زوجك يبونك تتحملينه وتصبرين عليه، وطالما انك بالمواصفات اللي قلتيها ان شاء الله تحصلين اللي يستاهلك .. 🚶🏻‍♀️