لو تقدم لك واحد عال العال لكن فيه هالامر وش ردك؟؟؟

عادي يااختي عادي
طيب اشمعنى الحرمه تنخطب مليون مره وممكن جدا تنخطب لفتره طويله وترتبط بخاتم او بورقه ويجي رجال بعد كذا يتزوجها ولا يسأل في موضوع خطوبتها القديم -- انا عن تجربتي احب اقولك اني انخطبت ومره خطوبتي وصلت لدرجة التجهيزات فعلا وبعدين لما فكرت بعقل ورويه لقيت انه مايناسبني ولا اناسبه وحلينا الموضوع بفسخ الخطوبه والغاء الارتباط وبعد كذا اتزوجت وزوجي ولا سأل في هذا الموضوع ولا يخصه لأنه شي راح --- والرجال يمر بهذي الامور اكثر من المرأه لأنه هو اللي يدور عروس وهو اللي يخطب وبكثره وممكن تنجح الخطوبه وممكن تفشل وفي النهايه ربي يوفقه بزوجه ويروح الماضي لحاله -- بس ممكن سؤال -- انتي حسيتي انه يحبها مثلا ؟ او هل فترة خطوبته بهذي الانسانه استمرت كثير ؟ اذا كذا لاتكبري الموضوع -- اجل ايش تقولي في اللي طلق زوجته وهو يحبها بس لأنها هي طلبت الطلاق --- واتزوج بعدها وعاش حياته
لاتخافي اذا هذا الانسان طيب وخلوق اتوكلي على الله واقبلي

يالغاليه اوافق ومافيها شي كله قسمه ونصيب واهم شي بهل امور انه يكون الرجل صالح وعلي دين واخلاقه عاليه مومهم لو خاطب قبلي الف اهم شي يكون هو شنو منو الناس انا عن نفسي متزوجه وكنت قبلها مخطوبه حق ولد عمي لاكن ماصار نصيب والحمدالله مرتاحه بزواجي ولا اذكر اني اصلا كنت مخطوبه لرجل قبل زوجي .....واعتقد نفس الشي للبنت عليهاا بالرجل نفسه ومالهاا شغل اذا كان مطلق او غيره لئنه كل شي قسمه ونصيب وكل انسان ياخذ نصيبه والي الله سبحان وتعالي كاتبه له .

عايدي يعني وش فيها توكلي على الله والله يوفقك

بصراحه احيانا اوافقكم الرأي لكن اوقات ثانيه ماتدش راسي..ليش؟؟
1=الرجل غير المراة يعني احس ان المراة تقدر تاقلم مع الرجل وتحبه اذا احسن لها لان المراه بطبيعتها اي صغير يرضيها لكن الرجل اذا حب او ربط امال احس من الصعب نسيانها وخاصة اذا كان مجهز كل شي حتى البيت.
2= ماتخافين بعد مده يعني كم سنه ان اللي خاطبها ماتزوجت ورجع لها ((رجع الحنين))
3=طبيعة المراه اذا كانت غيور فهذا لحالها راح تفتح ابواب مسكره من الاساس


وش رايكم بوجهة نظري توافقونها ولا لا..

عاااااااااااااااااااااااااااااااااااااااااادي انا زوجي كان معجب في وحده ويبي يخطبها نشب لأهله عشان يخطبونها وانا كنت اعرف قصته لأني صاحبة خواته وخطبوها له والبنت عيت لأنها تدرس والحمدلله انبسطت وقتها ماادري ليه مع اني والله ماكنت احمل له اي شعور حتى خواته يقولون لي تزوجيه وريحينا وكان كله مزح ماتوقعت يصير يوم حقيقه هو تعلق فيني وبعدها جا خطبني يعني عاااااااااادي كل انسان له ماضي المهم يبدا معك بدايه صح :)